ઇંગ્લેન્ડ, તા.૮
કોરોના વાયરસથી સમગ્ર વિશ્વ પરેશાન છે ત્યારે આવા સમયે જરૂરિયાતમંદોને અને મેડિકલ સ્ટાફને મદદની તાતી જરૂર છે. દુનિયાના અલગ-અલગ ઓર્ગેનાઇઝેશન્સ આગળ આવીને મદદ કરી રહ્યાં છે ત્યારે ક્રિકેટ જગત પણ પાછળ નથી. ઈંગ્લેન્ડના ક્રિકેટ બોર્ડ ઈઝ્રમ્એ ૫ લાખ યુરો એટલે કે ૪ કરોડ ૬૮ લાખ રૂપિયાનું દાન આપવાની જાહેરાત કરી છે. આ માટે ઈઝ્રમ્ના પુરુષ અને મહિલા ટીમના ખેલાડીઓનો પગાર કાપવામાં આવશે. ૫ લાખ યુરોના ડોનેશન માટે પુરુષ ક્રિકેટ ટીમના ખેલાડીઓનો ૨૦% જેટલો પગાર કાપવામાં આવશે અને મહિલાઓ જેમનો પગાર પુરુષો કરતાં ઓછો હોય તેમને સ્વયંભૂ રીતે જોડાઈને પોતાનો પગાર આગામી ૩ મહિના એપ્રિલ, મે અને જૂનમાં કાપવાની રજુઆત કરી હતી.
કોવિડ-૧૯ સામેની આ લડાઈમાં પોતાનો પગાર કાપીને તેમાંથી દાન આપીને આ તમામ ખેલાડીઓ જોડાયા છે. આ માટે સૌથી પહેલા ઈઝ્રમ્ એટલે કે ઈંગ્લેન્ડ એન્ડ વેલ્સ ક્રિકેટ બોર્ડે સૌપ્રથમ આ પ્રસ્તાવ ખેલાડીઓના એસોસિએશન પ્રોફેશનલ ક્રિકેટર્સ એસોસિએશનને મોકલ્યો હતો. જેમણે આ સારાં કામ માટે પોતાનું યોગદાન આપવા માટે આ પ્રસ્તાવ સ્વીકાર્યો હતો. આ ચેરિટેબલ ડોનેશનમાં ચોક્કસ કેટલી રકમ જશે તે હજુ સ્પષ્ટ થયું નથી પરંતુ ખેલાડીઓએ પોતાના ત્રણ મહિનાના પગારને કાપવાની રાજી ખુશીથી હા પાડી છે.