(સંવાદદાતા દ્વારા) વડોદરા,તા.૨૩
શહેરના સારાભાઇ કંપની ખાતેની જમીનમાં ખોટી રજાચિઠ્ઠી મેળવી તેના પર ઇમારતો બનાવી મસમોટું કૌભાંડ આચરવામાં આવ્યું હોવાનાં આક્ષેપ સાથે આજે યુવા કોંગ્રેસનાં અગ્રણી ઋત્વીજ જોષીએ મ્યુનિ.કમિશ્નરને આવેદનપત્ર આપી ગેરકાયદેસર બાંધકામો તોડી પાડવા રજૂઆત કરી હતી.
કોંગી અગ્રણી ઋત્વીજ જોષીએ આક્ષેપ કરતાં જણાવ્યું હતું કે, વડીવાડી સર્વે બ્લોક નં.૫૪ પર આવેલ સારાભાઇ કંપાઉન્ડવાળી મિલ્કતમાં વડોદરા કોર્પોરેશનને આપેલ રજાચિઠ્ઠી બિલ્ડરો દ્વારા ખોટી રીતે મેળવી તેના પર ગેરકાયદેસર રીતે તાત્કાલીક બાંધકામો બનાવી દેવામાં આવ્યા છે. તેમજ કરોડો રૂપિયાનું કૌભાંડ આચરવામાં આવ્યું છે. આ અંગે ઋત્વીજ જોષીએ મ્યુનિ.કમિશ્નરને આવેદનપત્ર આપી ખોટી રજાચિઠ્ઠી મેળવી સારાભાઇ કંપાઉન્ડવાળી મિલ્કતમાં બનાવવામાં આવેલ ૪૦ મીટરનાં રોડ ટચ ગેરકાયદેસર બાંધકામો તથા ઇમારતો જમીનદોસ્ત કરી ખોટી રજાચિઠ્ઠી મેળવનારાઓ સામે કડકમાં કડક કાર્યવાહી કરવાની માંગણી કરી હતી.
- Mon, November 9, 2026
- Top Stories
- Trending
- Mon, November 9, 2026