(એજન્સી)
ગ્વાલિયર (અંકુર જૈન), તા.૨૬
મધ્યપ્રદેશના ગ્વાલિયર જિલ્લામાં એક દલિત વર સાથે ક્રૂરતાનો મામલો સામે આવ્યો છે, જ્યાં બેન્ડ સાથે લગ્નનું સરઘસ કાઢવુ વરરાજાને મોંઘું પડી ગયું હતું, બદમાશોએ માત્ર દલિત વરને માર માર્યો જ નહીં પરંતુ તે જે ગાડીથી તેની કન્યાને લેવા જઈ રહ્યો હતો તે ગાડીને પણ તોડી નાખી હતી, પોલીસે વરરાજાની ફરિયાદના આધારે કેસ નોંધ્યો છે
માહિતી મુજબ ૨૧ મેના રોજ વરરાજા નરેશ જાટવના લગ્નના સરઘસ ગ્વાલિયરના કરહિયા ગામમાં આવ્યા હતા. ઘરની સામેથી પસાર થતા દલિત લગ્નના સરઘસથી ગુસ્સે થઈને ગુંડાઓએ તેને ગાડીમાંથી ફેંકી દીધો અને મારપીટ કરી હતી. ગાડીની લાઈટો તોડીને ગટરમાં ફેંકી દેવાઈ હતી. વરરાજા અને લગ્નના મહેમાનો પર જાતિ આધારિત દુર્વ્યવહાર કરવામાં આવ્યો હતો. લગ્નના સરઘસ પર ઘરોની છત પરથી પાણી ફેંકવામાં આવ્યું હતું. તેઓ સરઘસમાં પ્રવેશ્યા ત્યારે બંદૂકથી હવામાં ફાયરિંગ અને છરીઓ વડે હુમલો કર્યું હતું. વરરાજાની સોનાની ચેઈન પણ લૂંટી લેવામાં આવી હતી. આ કેસમાં પીડિત પક્ષે ન્યાય માટે એસપીને અપીલ કરી છે.
વરરાજાના ભાઈએ આરોપી વિરૂદ્ધ કરહિયા પોલીસ સ્ટેશનમાં એસોલ્ટ અને એટ્રોસિટી એક્ટ હેઠળ કેસ દાખલ કર્યો છે. બીજી બાજુથી પણ ફરિયાદ કરવામાં આવી છે. તેમનો આરોપ છે કે લગ્નના મહેમાનો ડાન્સ કરતી વખતે નોટો લૂંટી રહ્યા હતા. નોટો મહિલાઓ પર પડી અને જ્યારે તેઓએ ના પાડી તો લગ્નના મહેમાનો લડવા લાગ્યા. પોલીસ આ મામલે તપાસ કરી રહી છે હાલમાં પોલીસે આ મામલે કરહિયા ગામના સંજય રાવત, દલબીર રાવત, સંદીપ અને અનિલ રાવત સામે ગુનો નોંધ્યો છે. તેમજ આરોપીઓની શોધખોળ શરૂ કરી હતી. આ સાથે પોલીસ આ મામલે વધુ તપાસ કરી રહી છે.
- Thu, April 30, 2026
- Top Stories
- Trending
- Thu, April 30, 2026
