આ પૈકી કેટલીક મસ્જિદો જે તાબુકના
યુદ્ધના સમયની છે તે નોંધપાત્ર
ઐતિહાસિક મહત્ત્વ ધરાવે છે

અલ-તૌબા મસ્જિદ

આ સ્થળ ઇસ્લામનું નોંધપાત્ર ઐતિહાસિક પ્રતીક છે, જ્યાં પયગંબર મુહમ્મદ (સ.અ.વ.) અને તેમના સાથીઓએ તાબુકના યુદ્ધ દરમિયાન પ્રાર્થના કરી હતી.

(એજન્સી) રિયાધ, તા.ર૯
તાબુક પ્રદેશમાં આવેલી મસ્જિદો એ પ્રાચીન ઇસ્લામિક સંસ્કૃતિ અને આધુનિક સ્થાપત્ય શૈલીનું અનોખું મિશ્રણ છે, જેમાં એક અસાધારણ ડિઝાઇનનું પ્રદર્શન જોવા મળે છે. આ પૈકી કેટલીક મસ્જિદો, જે તાબુકના યુદ્ધની છે, તે મુલાકાતીઓ માટે નોંધપાત્ર ઐતિહાસિક સીમાચિહ્નરૂપ છે. સઉદી પ્રેસ એજન્સીના અહેવાલ મુજબ, આ મસ્જિદો નમાઝ માટે શાંત વિસ્તાર છે, જે તેના અનન્ય ભૌમિતિક આકાર અને સમૃદ્ધ ઐતિહાસિક પૃષ્ઠભૂમિ સાથે મુલાકાતીઓને આકર્ષે છે.

તાબુક મસ્જિદ યુનિવર્સિટી

“તાબુક યુનિવર્સિટી” મસ્જિદ તેના માળખાકીય ઇજનેરીમાં સ્થાપત્યની દ્રષ્ટિએ અતિ સુંદર છે, કારણ કે તેના વિશાળ ગુંબજ હોવા છતાં તેમાં કોઈ કેન્દ્રીય સ્તંભો જોવા મળતા નથી. ૮,૦૦૦ ચોરસ મીટરની આ મસ્જિદમાં ૩,૫૦૦ નમાઝી નમાઝ પઢી શકે છે, જેમાં બે ૫૦-મીટર ઊંચા મિનારા અને મોઝેઇકથી ઢંકાયેલો વિશાળ ગુંબજ છે. રમઝાનના પહેલા ૧૦ દિવસોમાં ૧ કરોડથી વધુ લોકોએ પયગંબર (સ.અ.વ.)ની મસ્જિદમાં નમાઝ અદા કરી હતી. મસ્જિદમાં ડબલ ગ્લેઝિંગ ફેસડેસ, ગ્રેનાઈટ અને આરસની દિવાલો અને માળ અને બે દીવાદાંડીઓ અને સુશોભન દિવાલો માટે એલ્યુમિનિયમનું કામ કરવામાં આવ્યું છે. આંગણામાં ઉપર એલ્યુમિનિયમની છત, ગોળાકાર ગુંબજ, સુશોભિત દિવાલ અને એલ્યુમિનિયમ અને કાચના ક્લેડીંગથી સુશોભિત મિનારો ખૂબ જ સુંદર દેખાય છે.

અલ-વલીદૈન મસ્જિદ

અલ-વલીદૈન મસ્જિદમાં છ ૪૬ મીટર ઉંચા મિનારાઓ અને ૨૫ મીટર-વ્યાસનો મુખ્ય ગુંબજ છે અને તે એક નોંધપાત્ર સ્થાપત્ય અજાયબી છે. તે તાબુક પ્રદેશના ગવર્નર પ્રિન્સ ફહદ બિન સુલતાન બિન અબ્દુલાઝીઝ દ્વારા આપવામાં આવેલ ભંડોળથી બનાવવામાં આવી હતી. આ મસ્જિદની ડિઝાઇન, તેના ઐતિહાસિક મૂળને સાચવીને આધુનિક સ્થાપત્યના પરિપ્રેક્ષ્યને પણ સમાવિષ્ટ કરે છે, તે આ પ્રદેશના સ્થાપત્યમાં એક નોંધપાત્ર સ્થાન ધરાવે છે. આ મસ્જિદનો લેઆઉટ ખૂબ જ વિશાળ છે અને ૧૫,૦૦૦થી વધુ નમાઝીને સુવિધા આપે છે, જેમાં મહિલાઓ માટે પણ એક અલગ વિભાગ છે, જેના લીધે ભીડના સમયે તેમને સરળ પ્રવેશ અને બહાર નીકળવાની સુવિધા આપે છે.