ભારત-અફઘાનિસ્તાન વચ્ચેની પ્રથમ T20 મેચમાં ભારતે ૭ વિકેટે શાનદાર વિજય મેળવ્યો, મોહાલીમાં રમાયેલી આ મેચમાં અફઘાનિસ્તાને ૧૫૬ રન બનાવ્યા હતા, જવાબમાં અભિષેક શર્માના ૮૨ અને ઈશાન કિશનના ૪૨ રનની મદદથી ભારતે ૧૩.૪ ઓવરમાં લક્ષ્ય હાંસલ કર્યું, અર્શદીપ સિંહે ૩ વિકેટ ઝડપી હતી, શ્રેણીની બીજી મેચ ૧૫ સપ્ટેમ્બર, ૨૦૨૬ના રોજ દિલ્હીમાં રમાશે

તા.૧૩
ભારત અને અફઘાનિસ્તાન વચ્ચેની પ્રથમ T20 મેચમાં ભારતે ટોસ જીતીને પ્રથમ બોલિંગ કરવાનો નિર્ણય લીધો હતો. અફઘાનિસ્તાને ૨૦ ઓવરમાં ૮ વિકેટે ૧૫૬ રન બનાવ્યા હતા. જવાબમાં ભારતે ૧૩.૪ ઓવરમાં ૩ વિકેટ ગુમાવીને ૧૫૭ રન બનાવી ૭ વિકેટે મેચ જીતી લીધી હતી. ભારત તરફથી અભિષેક શર્માએ તોફાની અડધી સદી ફટકારી હતી, જ્યારે અર્શદીપ સિંહે બોલિંગમાં શાનદાર પ્રદર્શન કર્યું હતું. ભારત તરફથી અભિષેક શર્માએ ૩૨ બોલમાં ૮૨ રનની વિસ્ફોટક ઇનિંગ રમી હતી. તેની ઇનિંગમાં ૭ ફોર અને ૭ સિક્સ સામેલ હતી. ઈશાન કિશને પણ ૩૩ બોલમાં ૪૨ રન બનાવ્યા હતા, જેમાં ૫ ફોર અને ૧ સિક્સ ફટકારી હતી. સંજુ સેમસને ૮ બોલમાં ૧૦ રન બનાવ્યા હતા, જેમાં ૨ ફોર સામેલ હતી. શ્રેયસ અય્યરે ૫ બોલમાં અણનમ ૮ રન બનાવ્યા હતા, જ્યારે તિલક વર્માએ ૪ બોલમાં અણનમ ૨ રન નોંધાવ્યા હતા.અફઘાનિસ્તાન તરફથી મોહમ્મદ નબીએ બોલિંગમાં શાનદાર પ્રદર્શન કરતાં ૩ ઓવરમાં ૨૮ રન આપી ૨ વિકેટ ઝડપી હતી. અઝમતુલ્લાહ ઓમરઝાઈએ ૧ ઓવરમાં ૧૪ રન આપી ૧ વિકેટ લીધી હતી. ફઝલહક ફારૂકીએ ૨ ઓવરમાં ૩૮ રન અને મુજીબ ઉર રહમાને ૨ ઓવરમાં ૧૬ રન આપ્યા હતા, પરંતુ બંનેને એકપણ વિકેટ મળી નહોતી. રાશિદ ખાને ૩.૪ ઓવરમાં ૩૩ રન અને નૂર અહમદે ૨ ઓવરમાં ૨૫ રન આપ્યા હતા, પરંતુ તેઓ પણ વિકેટ મેળવી શક્યા નહોતા. અફઘાનિસ્તાન તરફથી અઝમતુલ્લાહ ઓમરઝાઈએ સૌથી વધુ અણનમ ૬૪ રનની ઇનિંગ રમી હતી. તેણે ૪૪ બોલમાં ૪ ફોર અને ૪ સિક્સની મદદથી આ રન બનાવ્યા હતા. મોહમ્મદ નબીએ ૨૭ બોલમાં ૩૩ રન બનાવ્યા હતા, જેમાં ૨ ફોર અને ૨ સિક્સ સામેલ હતી. ઈબ્રાહિમ ઝદરાને ૧૦ બોલમાં ૧૧ રન સાથે ૨ ફોર ફટકારી હતી, જ્યારે સેદિકુલ્લાહ અતલે ૧૩ બોલમાં ૧૩ રન બનાવ્યા હતા, જેમાં ૧ ફોર અને ૧ સિક્સ હતી. રહમાનુલ્લાહ ગુરબાઝે ૨ બોલમાં ૦ રન, ગુલબદીન નૈબે ૬ બોલમાં ૨ રન અને દર્શવિશ રસૂલીએ ૬ બોલમાં ૨ રન બનાવ્યા હતા. રાશિદ ખાને ૧૦ બોલમાં ૧ રન બનાવ્યો હતો, જ્યારે નૂર અહમદ ૧ બોલમાં ૦ રને આઉટ થયો હતો. મુજીબ ઉર રહમાને ૩ બોલમાં અણનમ ૯ રન બનાવ્યા હતા, જેમાં ૨ ફોર સામેલ હતી. ભારત તરફથી અર્શદીપ સિંહે શાનદાર બોલિંગ કરતાં ૪ ઓવરમાં માત્ર ૧૯ રન આપી ૩ વિકેટ ઝડપી હતી. જસપ્રીત બુમરાહે ૪ ઓવરમાં ૨૬ રન આપી ૧ વિકેટ, અક્ષર પટેલે ૪ ઓવરમાં ૨૭ રન આપી ૧ વિકેટ અને વરુણ ચક્રવર્તીએ ૪ ઓવરમાં ૧૬ રન આપી ૧ વિકેટ ઝડપી હતી. નીતિશ કુમાર રેડ્ડીએ ૨ ઓવરમાં ૩૦ રન, અભિષેક શર્માએ ૧ ઓવરમાં ૮ રન અને શિવમ દુબેએ ૧ ઓવરમાં ૨૧ રન આપ્યા હતા, પરંતુ આ ત્રણેયને એકપણ વિકેટ મળી નહોતી. પ્રથમT20 મેચ બાદ ભારત અને અફઘાનિસ્તાન વચ્ચે શ્રેણીની બીજી મેચ ૧૫ સપ્ટેમ્બર ૨૦૨૬ના રોજ દિલ્હીમાં રમાશે.T20 ત્યારબાદ ત્રીજી અને અંતિમT20 મેચ ૧૭ સપ્ટેમ્બર ૨૦૨૬ના રોજ દિલ્હીમાં જ રમાશે. બંને મેચ ભારતીય સમય અનુસાર સાંજે ૭ઃ૩૦ વાગ્યે શરૂ થશે