(એજન્સી) તા.૧૯
મહોબા શહેરના કોતવાલી વિસ્તારના એક ગામમાં દલિત યુવતી પર બંદૂકની અણીએ બળાત્કાર ગુજારવાનો આરોપ છે. પીડિતાનો આરોપ છે કે બે યુવકો તેના ઘરમાં ઘૂસી આવ્યા હતા અને બંદૂકની અણીએ આ ગુનો આચર્યો હતો. આરોપીઓ પર લગ્ન માટે રાખેલી ૨ લાખ રૂપિયાની રોકડ રકમ તેમજ સોના-ચાંદીના દાગીના ચોરી કરવાનો પણ આરોપ છે. ઘટનાના ચાર દિવસ બાદ પણ હ્લૈંઇ ન નોંધાવા અને તબીબી તપાસ ન થવા અંગે ફરિયાદ કરવા માટે પીડિતા સમાજવાદી પાર્ટીના નેતા હરિ સિંહ વર્મા સાથે જીઁ (પોલીસ અધિક્ષક)ની કચેરીએ પહોંચી હતી.પીડિતાના જણાવ્યા અનુસાર, આ ઘટના ૧૪ સપ્ટેમ્બરે બપોરે લગભગ ૧ઃ૩૦ વાગ્યે બની હતી. તેના માતા-પિતા અને ભાઈ કામ પર ગયા હતા અને તે ઘરે એકલી હતી. આરોપ છે કે તે જ ગામના બે યુવકો પિસ્તોલ લઈને તેના ઘરમાં ઘૂસી આવ્યા હતા. તેમાંથી એક યુવકે તેની કન્પટી પર પિસ્તોલ રાખીને જાનથી મારી નાખવાની ધમકી આપી હતી. ત્યારબાદ બીજા યુવકે તેની પર બળાત્કાર ગુજાર્યો હતો. પીડિતાનો આરોપ છે કે ઘટના બાદ આરોપીઓ ૨ લાખ રૂપિયાની રોકડ રકમ અને લગ્ન માટે ખરીદેલા સોના-ચાંદીના દાગીના લઈ ગયા હતા.પરિવારના જણાવ્યા અનુસાર, તેમણે ૨૫ વર્ષની સખત મહેનતથી ૨ લાખ રૂપિયાની બચત કરી હતી. જાન્યુઆરીમાં મહિલા અને તેના ભાઈના લગ્ન થવાના હતા અને આ હેતુ માટે જ પૈસા અને દાગીના સુરક્ષિત રાખવામાં આવ્યા હતા. પીડિતાના પરિવારનો આરોપ છે કે જ્યારે તેઓ ઘટના બાદ ફરિયાદ કરવા આરોપીના ઘરે ગયા, ત્યારે તેમને જાતિસૂચક અપશબ્દો કહેવામાં આવ્યા અને જાનથી મારી નાખવાની ધમકી આપવામાં આવી.પીડિતાનો આરોપ છે કે ઘટનાના ચાર દિવસ પછી પણ પોલીસે તેની ફરિયાદના આધારે કેસ નોંધ્યો ન હતો. તેની તબીબી તપાસ પણ કરવામાં આવી ન હતી. ત્યારબાદ, તે જીઁ નેતા અને ભૂતપૂર્વ બ્લોક ચીફ હરિ સિંહ વર્મા સાથે પોલીસ અધિક્ષકની કચેરીએ ગઈ અને કાર્યવાહીની માંગ કરી. કેસની ગંભીરતાને ધ્યાનમાં રાખીને, પોલીસ અધિક્ષકે સિટી પોલીસ અધિક્ષકને તપાસ કરવા અને બે દિવસની અંદર કડક કાર્યવાહી કરવાનો નિર્દેશ આપ્યો છે. પીડિતનો પરિવાર આરોપી સામે કડક કાર્યવાહી અને મૃત્યુદંડની માંગ કરી રહ્યો છે.
- Sat, October 24, 2026
- Top Stories
- Trending
- Sat, October 24, 2026