(એજન્સી) નવી દિલ્હી, તા.૪
યુપીની એક શાળામાં આઠમા ધોરણના વિદ્યાર્થી પર કથિત રીતે વર્ગ શિક્ષક અને શાળાના અધિકારી દ્વારા ક્રૂર રીતે હુમલો કરવામાં આવ્યો હતો અને દુર્વ્યવહાર કરવામાં આવ્યો હતો, કારણ કે છોકરા પર તૂટેલા પાઇપ માટે દોષી ઠેરવવામાં આવ્યો હતો. ૧૪ વર્ષીય દલિત વિદ્યાર્થીને પીઠ અને હાથપગ પર ઈજાના નિશાન હતા અને હવે તેને ચાલવામાં મુશ્કેલી પડી રહી છે. આરોપીએ તેને શાળાથી દૂર રહેવા પણ કહ્યું હતું. આ ઘટના શુક્રવારે મૈનપુરીના કુરાવલી વિસ્તારમાં બની હતી. સ્થાનિક પોલીસ સ્ટેશનના એસએચઓ લલિત ભાટીએ રવિવારે જણાવ્યું હતું કે શાળા સમિતિના સભ્ય રાજીવ વર્મા અને વર્ગ શિક્ષક સુખબીર સિંહ સામે એસસી/એસટી એક્ટ હેઠળ એફઆઈઆર નોંધવામાં આવી છે. તેના નિવેદનમાં, છોકરાએ કહ્યું, મને તરસ લાગી હતી, તેથી હું પાણી પીવા ગયો અને જોયું કે પાણીની ટાંકીનો પાઇપ તૂટી ગયો હતો. પાઇપ તોડવા માટે મને દોષી ઠેરવવામાં આવ્યો. હું વિનંતી કરતો રહ્યો કે મેં પાઇપ ન તોડી, પરંતુ કોઈએ મારી વાત સાંભળી નહીં. મને માર મારવામાં આવ્યો, જાતિવાદી અપશબ્દોથી અપમાનિત કરવામાં આવ્યા અને જો શાળાના પરિસરમાં ફરીથી જોવા મળ્યો તો જાનથી મારી નાખવાની ધમકી આપવામાં આવી. તે દિવસે પાછળથી કુરાવલીમાં ખાનગી શાળાના આરોપી વિરૂદ્ધ તેના મોટા ભાઈ દ્વારા પોલીસ ફરિયાદ દાખલ કરવામાં આવી હતી. ત્યારબાદ પોલીસે BNS કલમ ૧૧૫-૨(સ્વૈચ્છિક રીતે ઇજા પહોંચાડવી), ૩૫૨ (શાંતિ ભંગ કરવા માટે ઇરાદાપૂર્વક અપમાન) અને ૩૫૧-૩(ગુનાહિત ધાકધમકી) તેમજ SC/ST કાયદા હેઠળ FIR નોંધી હતી. છોકરાના પરિવારે દાવો કર્યો હતો કે પાઇપને બીજા છોકરાએ નુકસાન પહોંચાડ્યું હતું અને તેમના પુત્રને અન્યાયી રીતે નિશાન બનાવવામાં આવ્યો હતો. આરોપોને ફગાવતા, શાળા સમિતિના સભ્ય રાજીવ વર્માએ TOIને કહ્યું : આ મારા વિરૂદ્ધ ખોટો કેસ છે. હું ત્યાં પણ નહોતો. વર્ગ શિક્ષક હાજર હોઈ શકે છે. મને ખબર નથી. હું ટૂંક સમયમાં પોલીસ અધિકારીઓને મળીશે અને મને આશા છે કે નિષ્પક્ષ તપાસ થશે.
- Sat, October 3, 2026
- Top Stories
- Trending
- Sat, October 3, 2026