યુપી : દલિત મહિલાની હત્યાના કેસમાં ચાર દોષિતોને આજીવન કેદની સજા

 

(એજન્સી) કૌંશામ્બી, તા.૨૬
ઉત્તરપ્રદેશના કૌશામ્બી જિલ્લાની એક અદાલતે બુધવારે ૨૦૦૯માં એક દલિત મહિલાના અપહરણ અને હત્યાના કેસમાં ચાર આરોપીઓને દોષિત ઠેરવી આજીવન કેદની સજા સંભળાવી છે. અદાલતે દરેક આરોપી પર ૧.૩૧ લાખ રૂપિયાનો દંડ પણ ફટકાર્યો છે. એડિશનલ ડિસ્ટ્રિક્ટ ગવર્નમેન્ટ એડવોકેટ (ફોજદારી) પંકજ સોનકરે જણાવ્યું હતું કે, એડિશનલ ડિસ્ટ્રિક્ટ એન્ડ સેશન્સ જજ અને સ્પેશિયલ જજ (અનુસૂચિત જાતિ અને અનુસૂચિત જનજાતિ અધિનિયમ) અમિત માલવિયાની અદાલતે સરકારી પક્ષની દલીલો, સાક્ષીઓના નિવેદનો અને પુરાવાઓને ધ્યાનમાં લીધા બાદ આ ચુકાદો આપ્યો છે. તેમણે જણાવ્યું કે, દોષિતોની ઓળખ અર્વેશ તિવારી, સર્વેશ તિવારી, રામકાંત દુબે અને શિવકાંત દુબે તરીકે થઈ છે. અદાલતે ચારેયને આજીવન કેદની સજા ફટકારી છે અને દરેક પર ૧.૩૧ લાખ રૂપિયાનો દંડ લાદ્યો છે. સોનકરના જણાવ્યા અનુસાર, ૭ ઓક્ટોબર, ૨૦૦૯ના રોજ કુન્તી દેવી નામની મહિલાના પિતાએ સરાઈ અકિલ પોલીસ સ્ટેશનમાં ફરિયાદ નોંધાવી હતી. તેમણે આરોપ લગાવ્યો હતો કે, આ ચાર આરોપીઓ તેમની પુત્રીને ફોસલાવીને લઈ ગયા હતા અને બાદમાં તેની હત્યા કરી નાખી હતી. આ ફરિયાદના આધારે, પોલીસે ભારતીય દંડ સંહિતા (IPC))ની કલમ ૩૬૩ (અપહરણ), ૩૬૪ (હત્યાના ઈરાદાથી અપહરણ), ૩૬૮ (અપહરણ કરાયેલી વ્યક્તિને ગેરકાયદેસર રીતે બંધક બનાવી રાખવી), ૩૦૨ (હત્યા), ૧૨૦-બી (ગુનાહિત ષડયંત્ર) અને ૩૪ (સમાન ઈરાદાથી કરવામાં આવેલા કૃત્યો) હેઠળ કેસ નોંધ્યો હતો. આ ઉપરાંત, આરોપીઓ વિરુદ્ધ ‘અનુસૂચિત જાતિ અને અનુસૂચિત જનજાતિ (અત્યાચાર નિવારણ) અધિનિયમ’ની કલમ ૩(૨)(૫) હેઠળ પણ કેસ દાખલ કરવામાં આવ્યો હતો. સરકારી પક્ષના જણાવ્યા અનુસાર, તપાસ પૂર્ણ કર્યા બાદ પોલીસે આરોપીઓ વિરુદ્ધ ચાર્જશીટ દાખલ કરી હતી. સરકારી પક્ષે કહ્યું કે, ઉપલબ્ધ પુરાવાઓ અને પક્ષકારોની દલીલોને ધ્યાનમાં લીધા બાદ અદાલતે ચારેય આરોપીઓને દોષિત ઠેરવી સજા સંભળાવી છે.

Subscribe To Our Daily Newsletter

No spam, notifications only about new products, updates.

Related Posts

Enable Notifications OK No thanks