મોરબી, તા. ર૦
માળીયામિંયાણાના ખાખરેચી ગામે આવેલી સાર્વજનિક હાઈસ્કૂલમાં આજુબાજુ ગામ જેવા કે, જુનાઘાંટીલા, વેજલપર, કુંભારીયા, વેણાસર અને ખાખરેચી જેવા મોટા ગામડાઓના બાળકો અભ્યાસ અર્થે ખાખરેચી આવે છે. બાળકો આરોગ્ય પ્રત્યે સજાગ બને અને પોતાનુ આરોગ્ય જળવાય રહે તેવા હેતુથી શાળાના શિક્ષકોએ પ્રેરણાદાયી કદમ ઉઠાવીને અન્યને પ્રેરણા પુરી પાડી છે. સાર્વજનિક હાઈસ્કુલમાં સારા શિક્ષણની સાથે અન્ય પ્રવૃતિઓ દ્વારા બાળકોને જાગૃત કરવામાં આવે છે. શાળાના વિશાળ મેદાનમાં રમતગમત સહિતનું જ્ઞાન આપી ઉચ્ચ શિક્ષણ અપાઈ રહ્યું તેવામાં ખાખરેચી ગામની સાર્વજનિક હાઈસ્કૂલના શિક્ષક કલ્પેશ જગદીશભાઈ બરાસરા દ્વારા બાળકોના આરોગ્યને ધ્યાનમાં રાખીને હાઈસ્કૂલમાં વિદ્યાર્થીઓને શુદ્ધ પીવાનું પાણી મળે તે માટે સ્વખર્ચે આર.ઓ. સિસ્ટમ ઉપલબ્ધ કરાવી ઉપરાંત બાળકો ઘરે બનાવેલ પૌષ્ટિક નાસ્તો લઇ આવે તેવો ફરજીયાત નિયમ બનાવીને બાળકોને નાસ્તો લઇ આવવા માટે દરેક વિદ્યાર્થીઓને લંચ બોક્સ પણ ભેટમાં આપવામાં આવ્યા છે. શાળાના વિદ્યાર્થીઓના આરોગ્ય માટે શિક્ષકે સજાગતા દાખવીને અન્ય શિક્ષકોને પણ પ્રેરણા પૂરી પાડી શિક્ષકો પ્રેરણાદાયી બન્યા છે.
- Wed, September 23, 2026
- Top Stories
- Trending
- Wed, September 23, 2026