(એજન્સી) તા.૫
આરોગ્ય મંત્રાલયે જણાવ્યું હતું કે, વેસ્ટ બેંકમાંઉત્તરી છેલ્લા અઠવાડિયેથી ઇઝરાયેલી સૈન્યની મોટી કાર્યવાહીમાં ઓછામાં ઓછા ૩૩ પેલેસ્ટીની મૃત્યુ પામ્યા છે અને ૧૪૦ અન્ય ઘાયલ થયા છે. મંત્રાલયે જણાવ્યું કે ‘પીડિતોમાં સાત બાળકો અને બે વૃદ્ધોનો સમાવેશ થાય છે’. મંત્રાલયે જણાવ્યું કે જેનિન શહેરમાં સૌથી વધુ ૧૯ મૃત્યુ થયા છે. ગયા અઠવાડિયે ઇઝરાયેલી સેનાએ વેસ્ટ બેંકમાં બે દાયકામાં તેની સૌથી મોટી સૈન્ય કાર્યવાહી શરૂ કરી હતી, જેના કારણે આ વિસ્તારમાં મોટાપાયે વિનાશ થયો. જેનિનના મેયર નિદાલ અલ-ઓબૈદીએ બુધવારે વેસ્ટ બેંકના શહેરને ‘આપત્તિ ક્ષેત્ર’ જાહેર કર્યું કારણ કે ઇઝરાયેલી દળોએ ત્યાં તેમનું અભિયાન ચાલુ રાખ્યું હતું. તેમણે જણાવ્યું કે ‘ઇઝરાયેલી સેના જેનિન અને તેના કેમ્પમાં ઇન્ફ્રાસ્ટ્રક્ચરનો નાશ કરવાનું ચાલુ રાખે છે’. ગાઝા પટ્ટી પર ઈઝરાયેલના ઘાતકી હુમલાના કારણે અધિકૃત વેસ્ટ બેંકમાં તણાવ ચરમસીમા પર છે. ગયા વર્ષે ૭ ઓકટોબરથી થયેલા હુમલામાં ૪૦,૮૦૦થી વધુ પેલેસ્ટીનીઓ જેમાં મોટાભાગની મહિલાઓ અને બાળકો હતા, મૃત્યુ પામ્યા છે. આરોગ્ય મંત્રાલયના જણાવ્યા અનુસાર વેસ્ટ બેંકમાં ઇઝરાયેલના ગોળીબારમાં ઓછામાં ઓછા ૬૮૫ લોકો મૃત્યુ પામ્યા છે અને ૫,૭૦૦થી વધુ ઘાયલ થયા છે. આ વધારો ૧૯ જુલાઈના રોજ ઈન્ટરનેશનલ કોર્ટ ઓફ જસ્ટિસના ઐતિહાસિક ચુકાદાને અનુસરે છે, જેમાં પેલેસ્ટીનની જમીન પર ઈઝરાયેલના દાયકાઓથી ચાલતા કબજાને ગેરકાનૂની જાહેર કરવામાં આવ્યો હતો અને વેસ્ટ બેંક અને પૂર્વ જેરૂસલેમમાં આવેલી તમામ વસાહતોને ખાલી કરાવવાની માંગ કરવામાં આવી હતી.
- Mon, October 5, 2026
- Top Stories
- Trending
- Mon, October 5, 2026