(એજન્સી) તા.૨૯
વિસ્થાપિત પરિવારો માટે આશ્રયસ્થાનો સહિત ગાઝા પટ્ટીમાં અનેક સ્થળો પર ઇઝરાયેલી યુદ્ધ વિમાનો અને આર્ટિલરી હુમલામાં શનિવારે ૫૧ પેલેસ્ટીની મૃત્યુ પામ્યા અને ડઝનેક ઘાયલ થયા હતા. તાજેતરના હુમલામાં ગાઝા શહેરની પૂર્વમાં અલ-તુફાહ પડોશમાં યાફા સ્કૂલ શેલ્ટર સેન્ટર નજીક નાગરિકોના સમૂહને નિશાન બનાવતા ઇઝરાયેલી હવાઈ હુમલામાં પાંચ બાળકો અને એક મહિલા સહિત આઠ પેલેસ્ટીની મૃત્યુ પામ્યા છે અને અન્ય ૨૭થી વધુ ઘાયલ થયા હતા, ગાઝા નાગરિક સંરક્ષણના જણાવ્યા અનુસાર. ગાઝા શહેરની પૂર્વમાં અલ-તુફાહ પડોશમાં એક લોકપ્રિય બજાર પર ઇઝરાયેલના ગોળીબારમાં ૧૧ પેલેસ્ટીની મૃત્યુ પામ્યા છે. અગાઉ તબીબી સૂત્રોએ જણાવ્યું કે, પટ્ટીના ઉત્તરીય ભાગમાં અદનાન અલ-અલામી શાળા પર ઇઝરાયેલના હુમલામાં એક બાળક સહિત બે પેલેસ્ટીની મૃત્યુ પામ્યા છે અને ૧૨ અન્ય ઘાયલ થયા હતા. અદનાન અલ-અલામી સ્કૂલ ગાઝા શહેરના ઉત્તર પશ્ચિમમાં વિસ્થાપિત પરિવારોને આશ્રય આપે છે. ઉપરાંત ઇઝરાયેલી હવાઈ હુમલો જબાલિયા અલ-બલાદ પડોશમાં એક ઘરને ફટકાર્યો, જેમાં બે પેલેસ્ટીની મૃત્યુ પામ્યા. શહેરના પૂર્વમાં મધ્ય ગાઝામાં દેર અલ-બલાહમાં એકઠા થયેલા લોકોના સમૂહ પર ઈઝરાયેલી હુમલામાં બે નાગરિકો મૃત્યુ પામ્યા. તબીબી સૂત્રોએ જણાવ્યું કે, ઉત્તરી ગાઝા શહેરના અલ-સફ્તાવી વિસ્તારમાં ઈઝરાયેલી હુમલામાં ત્રણ પેલેસ્ટીની મૃત્યુ પામ્યા. ગાઝા સિટીની દક્ષિણે અમેરિકા-ઇઝરાયેલ સહાય મેળવવાની રાહ જોતા બે પેલેસ્ટીની પણ ઇઝરાયેલની ગોળીબારમાં મૃત્યુ પામ્યા.
- Fri, October 2, 2026
- Top Stories
- Trending
- Fri, October 2, 2026