રિફાઇનરોએ સપ્ટેમ્બર અને ઓક્ટોબર માટે મોટાભાગની ક્રૂડની જરૂરિયાતો સુરક્ષિત કરી હોવાથી દક્ષિણ કોરિયા ટૂંકા ગાળામાં મર્યાદિત પુરવઠા ખોરવાઈ જવાની અપેક્ષા રાખે છે

(એજન્સી) તા.૧૪
સઉદી અરેબિયા દ્વારા તેની વ્યૂહાત્મક ‘ઇસ્ટ-વેસ્ટ પાઇપલાઇન’ પર ડ્રોન હુમલા બાદ તેને બંધ કરવામાં આવતા રવિવારે ક્રૂડ તેલની કિંમતોમાં તીવ્ર વધારો નોંધાયો છે. હોર્મુઝની સમુદ્રધૂની (Strait of Hormuz) અને લાલ સમુદ્ર (ઇીઙ્ઘ જીીટ્ઠ)ની આસપાસ વણસી રહેલી સુરક્ષા સ્થિતિ વચ્ચે ક્રૂડના પુરવઠાને લઈને ચિંતાઓમાં નોંધપાત્ર વધારો થયો છે. ઈસ્ટર્ન ટાઈમ મુજબ સાંજે ૬.૨૭ વાગ્યા સુધીમાં યુએસ વેસ્ટ ટેક્સાસ ઈન્ટરમીડિયેટ (WTI) ફ્યુચર્સ ૨.૮ ટકા વધીને ૧૦૨.૮૭ ડોલર પ્રતિ બેરલ અને આંતરરાષ્ટ્રીય બેંચમાર્ક બ્રિન્ટ ક્રૂડ ૩.૧ ટકા વધીને ૧૦૭.૮૭ ડોલર પ્રતિ બેરલ પહોંચી ગયું હતું. ઇરાકથી છોડવામાં આવેલા ડ્રોને ગુરુવારે આ પાઇપલાઇનને નુકસાન પહોંચાડ્યું હતું, જેના કારણે સૌદી સત્તાવાળાઓને કામગીરી સ્થગિત કરવાની ફરજ પડી હતી. રિયાધ દ્વારા હજુ સુધી નુકસાનની સંપૂર્ણ માહિતી કે પાઇપલાઇન ક્યારે ફરી શરૂ થશે તે અંગે કોઈ સંકેત આપવામાં આવ્યો નથી. દરરોજ ૭૦ લાખ બેરલ ક્રૂડ તેલનું પરિવહન કરવાની ક્ષમતા ધરાવતી આ પાઇપલાઇન પર્સિયન ગલ્ફ નજીકના સૌદી અરેબિયાના તેલ ઉત્પાદક ક્ષેત્રોને લાલ સમુદ્રના કિનારે આવેલા નિકાસ ટર્મિનલ્સ સાથે જોડે છે. ઇરાન અને યુનાઇટેડ સ્ટેટ્‌સ વચ્ચેના સંઘર્ષને કારણે હોર્મુઝની સમુદ્રધૂની દ્વારા થતા શિપિંગમાં વિક્ષેપ પડતા આ પાઇપલાઇન એક મહત્વપૂર્ણ વૈકલ્પિક માર્ગ બની ગઈ હતી. આ પાઇપલાઇન બંધ થવા છતાં દક્ષિણ કોરિયાને નજીકના ભવિષ્યમાં તેના તેલ પુરવઠા પર મર્યાદિત અસર થવાની ધારણા છે. દક્ષિણ કોરિયાના વેપાર, ઉદ્યોગ અને સંસાધન મંત્રાલયે જણાવ્યું હતું કે સ્થાનિક રિફાઇનરોએ વિતેલા વર્ષના સ્તરના આધારે સપ્ટેમ્બર અને ઓક્ટોબર મહિના માટે તેમની ક્રૂડ તેલની ૯૦ ટકાથી વધુ જરૂરિયાતો અગાઉથી જ સુરક્ષિત કરી લીધી છે. મંત્રાલયે તેલ રિફાઇનરો અને અન્ય વ્યવસાયો સાથે બેઠક યોજીને પશ્ચિમ એશિયામાં વધી રહેલા સંઘર્ષની અસરોની સમીક્ષા કરી હતી. વાણિજ્ય ઉપમંત્રી મૂન સિન-હાકે જણાવ્યું હતું કે જો પુરવઠા પર દબાણ વધશે તો સરકાર ખાનગી કંપનીઓ સાથે ક્રૂડ ઓઇલ સ્વૈપ જેવા નીતિગત પગલાં લેવા માટે પણ તૈયાર છે. બીજી તરફ, હોર્મુઝની પરિસ્થિતિ અંગે ચર્ચા કરવા સોમવારે ઓમાનમાં યોજાનારી ઇરાન અને ગલ્ફ આરબ દેશો વચ્ચેની રાજદ્વારી બેઠક પાઇપલાઇન હુમલા બાદ મુલતવી રાખવામાં આવી છે. યુકે મેરીટાઇમ ટ્રેડ ઓપરેશન્સ સેન્ટરના જણાવ્યા અનુસાર રવિવારે વધુ એક તેલ ટેન્કર પર હુમલો થતાં ભારે આગ લાગી હતી. આ ઉપરાંત, યમનના હુથી બળવાખોરોએ ગત અઠવાડિયે સૌદી અરેબિયાની ઊર્જા સુવિધાઓ પર હુમલા કર્યા હતા જેમાં ૭૦થી વધુ લોકો ઘવાયા હતા. હુથી જૂથે બાબ અલ-મંદેબ સમુદ્રધૂનીમાં આવેલા પેરિમ આઇલેન્ડ પર કબ્જો કરી લીધો છે, જેનાથી લાલ સમુદ્રના દરિયાઈ માર્ગો પર તેમની પકડ વધુ મજબૂત બની છે. આ વૈશ્વિક તણાવ વચ્ચે દક્ષિણ કોરિયા અને અમેરિકા આ અઠવાડિયે બુસાન ખાતે તેમની દ્વિવાર્ષિક સંકલિત સંરક્ષણ વાર્તાલાપ (ૈંહીંખ્તટ્ઠિીંઙ્ઘ ડ્ઢીકીહજી ડ્ઢૈટ્ઠર્ઙ્મખ્તેી) યોજશે, જેમાં હોર્મુઝ ક્ષેત્રમાં સૈન્ય જમાવટ અને સંયુક્ત સુરક્ષા મુદ્દાઓ પર ચર્ચા થશે.