(એજન્સી) પીલીભીત, તા.ર૦
પોલીસે જણાવ્યું હતું કે, સોમવારે ૨૬ વર્ષીય રેફ્રિજરેટર મિકેનિકની પુરણપુર શહેરમાં ૧૫ વર્ષની દલિત છોકરી સાથે તેના ઘરે કથિત રીતે દુષ્કર્મ કરવાના આરોપમાં ધરપકડ કરવામાં આવી હતી. આરોપી રવિવારે સાંજે ૬ વાગ્યાની આસપાસ પીડિતાના ઘરે રેફ્રિજરેટર રિપેર કરવા ગયો હતો. જ્યારે તેના માતાપિતા બજારમાં ગયા હતા ત્યારે સગીરાને એકલી જોઈને તેણે તેની સાથે કથિત રીતે દુષ્કર્મ કર્યું હતું. પોલીસના જણાવ્યા અનુસાર, જ્યારે છોકરીએ વિરોધ કર્યો ત્યારે આરોપીએ તેની સાથે દુર્વ્યવહાર કર્યો અને જાતિવાદી અપશબ્દો બોલ્યા. મદદ માટે બૂમો પાડતા તે ભાગી ગયો. પીડીતાના પિતાએ પોલીસ ફરિયાદ નોંધાવ્યા બાદ સોમવારે આ મામલો પ્રકાશમાં આવ્યો, જેના કારણે એફઆઈઆર નોંધાઈ. પુરણપુર કોતવાલીના એસએચઓ પવન પાંડેએ જણાવ્યું હતું કે આરોપી પર બીએનએસ કલમ ૭૪ (મહિલાની નમ્રતા ખરડવાના ઈરાદાથી તેના પર ફોજદારી બળજબરી) અને ૩૫૨ (ઈરાદાપૂર્વક અપમાન) હેઠળ ગુનો નોંધવામાં આવ્યો છે. તેના પર જીઝ્ર/જી્ (અત્યાચાર નિવારણ) અધિનિયમની સંબંધિત કલમો ઉપરાંત, જાતીય ગુનાઓથી બાળકોના રક્ષણ (પોક્સો) અધિનિયમની કલમ ૭ અને ૮ (જાતીય હુમલો) હેઠળ પણ આરોપો છે.
- Mon, May 25, 2026
- Top Stories
- Trending
- Mon, May 25, 2026