(એજન્સી) તા.૨૩
હરિયાણાના ફરીદાબાદના બલ્લભગઢની સુભાષ કોલોનીમાં સાહિલ નામના દલિત વ્યક્તિ પર હુમલો કરવામાં આવ્યો અને તેનું માથું અને ભમર આરોપીએ બે સાથીઓ સાથે મળીને હુમલો કર્યા બાદ મુંડી નાખવામાં આવ્યા હતા. પોલીસે ત્રણેયની ધરપકડ કરી હતી. સાહિલને તેના ઘરની નજીક એક દવાખાનામાં લલચાવીને લઈ જવામાં આવ્યો હતો જ્યાં તેને નિર્દયતાથી માર મારવામાં આવ્યો હતો, ધમકી આપવામાં આવી હતી અને બાદમાં તેના ઘરની બહાર છોડી દેવામાં આવ્યો હતો. પોલીસે જણાવ્યું હતું કે, મુખ્ય આરોપી જે સાહિલનો નજીકનો મિત્ર છે તેનો તેની સાથે ઝઘડો થયો હતો. એક પોલીસ અધિકારીએ જણાવ્યું હતું કે, ‘બંને છેલ્લા ૮ વર્ષથી એકબીજાને ઓળખે છે. આરોપી મિત્રતા તોડી નાખવાને કારણે તેને પાઠ ભણાવવા માંગતો હતો.’ જાતિવાદી આરોપો છતાં પોલીસે જણાવ્યું છે કે, તેમને આ કેસમાં અત્યાર સુધી કોઈ કાસ્ટ એંગલ મળ્યો નથી, જોકે અનુસૂચિત જાતિ અને અનુસૂચિત જનજાતિ અધિનિયમ હેઠળ કેસ નોંધવામાં આવ્યો છે. આદર્શ નગર પોલીસ સ્ટેશનના ઇન્સ્પેક્ટર નફે સિંહે જણાવ્યું હતું કે, લડાઈ જાતિને કારણે નથી લાગતી. આરોપીને ન્યાયિક કસ્ટડીમાં મોકલી દેવામાં આવ્યો હતો અને બંને સાથીઓને કિશોર ન્યાય બોર્ડ સમક્ષ રજૂ કરવામાં આવ્યા હતા. પોલીસના જણાવ્યા અનુસાર, ઘાયલ સાહિલ નિવેદન આપવાની સ્થિતિમાં નથી.
- Sat, October 3, 2026
- Top Stories
- Trending
- Sat, October 3, 2026