નાગપુર હિંસામાં વધુ ૧૪ લોકોની ધરપકડ, ધરપકડનો આંકડો ૧૦૫ પર પહોંચ્યો; ત્રણ નવી FIR નોંધવામાં આવી 

આ હિંસા દરમિયાન ત્રણ ડેપ્યુટી કમિશનર ઓફ પોલીસ કક્ષાના અધિકારીઓ સહિત તેત્રીસ પોલીસ કર્મચારીઓ ઘાયલ થયા હતા. દેવેન્દ્ર ફડણવીસે જણાવ્યું છે કે, સીસીટીવી કેમેરાના વીડિયો અને ફૂટેજનું વિશ્લેષણ કર્યા પછી અત્યાર સુધીમાં ૧૦૪ તોફાનીઓની ઓળખ કરવામાં આવી છે 

(એજન્સી)                                        તા.૨૨
મહારાષ્ટ્રના મુખ્યમંત્રી દેવેન્દ્ર ફડણવીસે શનિવારે જણાવ્યું હતું કે, નાગપુર હિંસા દરમિયાન નુકસાન પામેલી મિલકતોની કિંમત તોફાનીઓ પાસેથી વસૂલવામાં આવશે અને ચૂકવવામાં નિષ્ફળતા તેમની મિલકતો જપ્ત કરીને વેચવામાં આવશે. પત્રકાર પરિષદને સંબોધતા, શ્રી ફડણવીસે જણાવ્યું હતું કે, સીસીટીવી કેમેરાના વીડિયો અને ફૂટેજનું વિશ્લેષણ કર્યા પછી અત્યાર સુધીમાં ૧૦૪ તોફાનીઓની ઓળખ કરવામાં આવી છે અને કાયદા મુજબ ૧૨ સગીરો સહિત ૯૨ લોકો સામે કાર્યવાહી કરવામાં આવી છે. શ્રી ફડણવીસે જણાવ્યું હતું કે, સોમવારે મધ્ય નાગપુર વિસ્તારોમાં થયેલી હિંસાને કારણે વડા પ્રધાન નરેન્દ્ર મોદીની સુનિશ્ચિત મુલાકાત પ્રભાવિત થશે નહીં. નાગપુર હિંસા દરમિયાન નુકસાન પામેલી મિલકતોની કિંમત તોફાનીઓ પાસેથી વસૂલવામાં આવશે અને ચૂકવણી કરવામાં નિષ્ફળતાથી નુકસાનની ભરપાઈ કરવા માટે તેમની મિલકતો જપ્ત કરવામાં આવશે અને વેચવામાં આવશે. પોલીસ કર્મચારીઓ પર હુમલો કરનારા તોફાનીઓ સામે કડક કાર્યવાહી કરવામાં આવશે. જ્યાં સુધી પોલીસ પર હુમલો કરનારા તત્ત્વો શોધી કાઢવામાં નહીં આવે અને તેમની સામે કડક કાર્યવાહી કરવામાં ન આવે ત્યાં સુધી મારી સરકાર શાંત નહીં રહે. ગૃહમંત્રાલયના વડા ફડણવીસે જણાવ્યું હતું કે, તપાસ ચાલી રહી હોવાથી રમખાણોમાં વિદેશી કે બાંગ્લાદેશી હાથ હોવા અંગે ટિપ્પણી કરવી હજુ વહેલું ગણાશે. શ્રી ફડણવીસે કહ્યું કે આ ઘટનાને ‘ગુપ્તચર નિષ્ફળતા’ ન કહી શકાય, પરંતુ ગુપ્ત માહિતી ભેગી વધુ સારી રીતે થઈ શકી હોત. તેમણે કહ્યું કે, તોફાનીઓએ મહિલા કોન્સ્ટેબલો પર પથ્થરમારો કર્યો હતો. તેમની સાથે છેડતી કરવામાં આવી ન હતી. તપાસ અંગે તેમણે કહ્યું કે, કોઈ વિદેશી હાથ કે બાંગ્લાદેશી લિંક સામે આવી નથી. આ હિંસા પાછળ કોઈ રાજકીય દૃષ્ટિકોણ નથી. આ અઠવાડિયાની શરૂઆતમાં નાગપુરમાં થયેલી હિંસાના સંદર્ભમાં ઓછામાં ઓછા ૧૪ વધુ લોકોની ધરપકડ કરવામાં આવી છે, જેનાથી ધરપકડનો કુલ આંકડો ૧૦૫ થયો છે. પોલીસના જણાવ્યા અનુસાર શુક્રવારે ૧૦ કિશોરો સહિત ૧૪ વ્યક્તિઓની ધરપકડ કરવામાં આવી હતી. અધિકારીએ જણાવ્યું હતું કે, આ ઘટનાના સંદર્ભમાં વધુ ત્રણ હ્લૈંઇ નોંધવામાં આવી છે. છત્રપતિ સંભાજીનગર જિલ્લામાં આવેલા મુઘલ સમ્રાટ ઔરંગઝેબની કબરને દૂર કરવા માટે વિશ્વ હિન્દુ પરિષદ (ફૐઁ) દ્વારા કરવામાં આવેલા વિરોધ પ્રદર્શન દરમિયાન પવિત્ર આયાતવાળી ‘ચાદર’ સળગાવવામાં આવી હોવાની અફવાને કારણે ૧૭ માર્ચે નાગપુરના અનેક ભાગોમાં મોટા પાયે પથ્થરમારો અને આગના અહેવાલો આવ્યા હતા. નાગપુરના પોલીસ કમિશનર રવિન્દર કુમાર સિંઘલે જણાવ્યું હતું કે, હુલ્લડોના સંદર્ભમાં શહેરના વિવિધ ભાગોમાંથી ચૌદ આરોપીઓની ધરપકડ કરવામાં આવી હતી. રમખાણો સંબંધિત ત્રણ વધુ FIR નોંધવામાં આવી છે. તેમણે કહ્યું કે, શહેરના કેટલાક ભાગોમાંથી કર્ફ્યુ હટાવવાનો નિર્ણય ઉચ્ચ સ્તરીય સમીક્ષા બેઠક પછી લેવામાં આવશે. આ દરમિયાન, સિંઘલે પરિસ્થિતિનો તાગ મેળવવા માટે સિવિલ લાઇન્સમાં પોલીસ ભવનમાં એક બેઠક યોજી હતી. હિંસા દરમિયાન ત્રણ ડેપ્યુટી કમિશનર ઓફ પોલીસ કમિશ્નર કક્ષાના અધિકારીઓ સહિત તેત્રીસ પોલીસ કર્મચારીઓ ઘાયલ થયા હતા. રાજદ્રોહનો ગુનો નોંધાયેલા લોકોમાં મુખ્ય આરોપી ફહીમ ખાનનો પણ સમાવેશ થાય છે.