ભાવનગર, તા.૯
બે વર્ષ પૂર્વે પાલિતાણા તાલુકાના લુવારવાવ ગામના એક શખ્સે એક સગીરા પર બળાત્કાર ગુજાર્યાની પાલિતાણા પોલીસ મથકમાં જે તે સમયે ભોગ બનનાર સગીરાએ પોલીસ ફરિયાદ નોંધાવી હતી. આ અંગે કેસ આજરોજ ભાવનગરના સ્પે. જજ અને પાંચમાં એડિશનલ સેશન્સ જજ એમ.જે. પરાશરની અદાલતમાં ચાલી જતા અદાલતે આરોપીને તકસીરવાન ઠરાવી જુદી-જુદી કલામો હેઠળ ૧૦ વર્ષની સખત કેદની સજા અને રોકડા રૂા.૧૩ હજારનો દંડ અદાલતે ફટકાર્યો હતો.
પ્રાપ્ત વિગતો મુજબ આ કામના આરોપી રામજી વિનુભાઈ કવાડ કોળી (ઉ.વ.ર૦, રે. લુવારવાવા, તા.પાલિતાણા) નામના શખ્સે આ કામના ફરિયાદી-ભોગ બનનાર ૧૬ વર્ષીય સગીરા ઉપર ગત તા.પ-૪-૧૬ના રોજ બપોરના સુમારે જબરજસ્તી ખેંચી લઈ જઈ એક મકાનમાં લઈ જઈ ગેરકાયદેસર અટકાયતમાં રાખી, છરી બતાવી, બળાત્કાર કરી, આ બનાવની કોઈને વાત કરીશ તો જાનથી મારી નાખાવાની ધમકી આપી હતી. આ બનાવ અંગે ભોગ બનનાર સગીરાએ જે તે સમયે પાલિતાણા પોલીસ સ્ટેશનમાં પોલીસ ફરિયાદ નોંધાવતા પાલિતાણા પોલીસે આરોપી રામજી વિનુ કવાડ સામે ઈપીકો કલમ-૩૭૬, ૩૪ર, પ૦૬(ર), તથા પોકસો એકટ-ર૦૧રની કલમ-૪, ૮, ૧ર મુજબનો ગુનો નોંધ્યો હતો.
આજરોજ આ અંગેનો કેસ ભાવનગરના સ્પે. જજ અને પાંચમાં એડીશનલ સેશન્સ જજ એમ.જે. પરાશરની અદાલતમાં ચાલી જતા આરોપી રામજી વિનુ કવાડને તકસીરવાન ઠરાવી ઈપીકો કલમ-૩૭૬(ર)(આઈ) મુજબના ગુના સબબ તકસીરવાન ઠરાવી ૧૦ વર્ષની સખત કેદની સજા અને રૂા.૧૦ હજારનો રોકડ દંડ અને જો આરોપી દંડ ન ભરે તો વધુ છ માસની સજા, આઈપીસી કલમ-પ૦૬(ર) મુજબના ગુના સબબ આરોપીને બે વર્ષની સજા અને રોકડા રૂા.બે હજારનો દંડ, આરોપી દંડ ન ભરે તો વધુ ત્રણ માસની કેદની સજા, આઈપીસી કલમ-૩૪ર મુજબ આરોપીને એક વર્ષની સજા અને રોકડા રૂા. એક હજારનો દંડ, આરોપી દંડ ન ભરે તો વધુ ત્રણ માસની સજા, જ્યારે પ્રોટેકશન ઓફ ચિલ્ડ્રન સેક્સ્યુઅલ ઓફેન્સિસ (પોકસો) એકટ-ર૦૧રની કલમ-૪ મુજબના ગુનામાં અલગથી સજા કરવામાં આવી નથી. જ્યારે આરોપી દંડની રકમ ભરે તે પૈકીની રૂા.૧૦ હજારની રકમ ભોગ બનનારને વળતર તરીકે ચૂકવવા અદાલતે હુકમ કર્યો હતો.
- Sat, October 3, 2026
- Top Stories
- Trending
- Sat, October 3, 2026