International

૧,૦૦૦ કડીઓ હોવા છતાં પણ અધિકારીઓ હજુ પણ સ્તબ્ધ લાગ વેગાસ હુમલાખોરે શા માટે ૫૮ લોકોની હત્યા કરી ?

(એજન્સી)
લાસ વેગાસ, તા. ૧૧
અમેરિકી ઈતિહાસમાં સૌથી ભીષણ ગોળીબારીની ઘટનાના એક અઠવાડિયા બાદ પણ તપાશનીસ અધિકારીઓને હજુ સુધી એક વાત ગળે ઉતરતી નથી કે શા માટે લાગ વેગાસ હુમલાખોરે ૫૮ લોકોને મોતને ઘાટ ઉતારી નાખ્યાં. આ કેસની તપાસ કરી રહેલી એફબીઆઈ અને લાગ વેગાસ પોલીસને અત્યાર સુધીમાં ૧,૦૦૦ કરતાં પણ વધારે કડીઓ મળી છે તેમ છતાં પણ હત્યાંકાંડ પાછળના સાચા કારણની કોઈ માહિતી મળી શકી નથી. હુમલાખોરે સ્ટીફન પૈડોકે ૨૩ ગનનો સંઘરો કરી રાખ્યો હતો. જેમાંની એક ડઝન જેટલી ગન તો ઓટોમેટિક હથિયાર જેવી હતી. એફબીઆઈ અને પોલીસે પેડોકના રાજકારણ, નાણા, સંભવિત આતંકવાદી જોડાણ અને હુમલાખોરનું સામાજિક વર્તનની આકરી તપાસ હાથ ધરી છે તેમ છતાં પણ પોલીસને હજુ સુધી એવી કોઈ નક્કર માહિતી મળી નથી કે શા માટે તેણે આટલી મોટી સંખ્યામાં લોકોને મારી નાખ્યાં. લાસ વેગાસના સંગીત સમારોહમાં અંધાધૂંધ ગોળીબાર કરીને ૫૯ લોકોને મોતને ઘાટ ઉતારનાર આરોપી સ્ટીફન પૈડક નેવાડામા એશોઆરામભર્યું જીવન ગાળતો હતો. એવું પણ બહાર આવ્યું છે કે અબજોપતિ સ્ટીફન પૈડકને બંધૂકો, જૂગાર અને રિયલ એસ્ટેટમાં રોકાણ કરવાનો ખૂબ મોટો શોખ હતો. સ્ટીફન રિયલ એસ્ટેટ કારોબારમાંથી કરોડો રૂપિયા કમાયો હતો. એટલું જ નહી પરંતુ ખબરોમા જણાવ્યાનુસાર, પૈડકની પાસે બે વિમાન અને સમગ્ર અમેરિકામાં ઘણી સંપત્તિ હતી. સ્ટીફનના ભાઈના જણાવ્યાનુસાર સ્ટીફન જૂગાર અને તેમાં મોટા દાવ લગાડવાનો ખૂબ શોખ હતો. સ્ટીફન પૈડકનો કોઈ ગુનાહિત ઈતિહાસ નથી. તેના જીવનમાંથી એવો કોઈ સંકેત મળતો નથી કે શા માટે હોટલ કેસિનોમાં ૩૨ મા માળે ઓછામાં ઓછી ૨૩ ગન સાથે આવ્યો હતો. આતંકવાદી સંગઠન ઈસ્લામિક સ્ટેટે હુમલાની જવાબદારી સ્વીકારી પરંતુ લાસ વેગાસના એફબીઆઈ એજન્ટ ઈન ચાર્જે એવું કહ્યું કે હજુ સુધી તપાશનીસ અધિકારીઓને એવી કોઈ કડી નથી કે જેને આધારે એવું કહી શકાય કે આ હુમલાનું આંતરરાષ્ટ્રીય આતંકવાદ સાથે કોઈ જોડાણ છે.

About author

Articles

"VOICE OF TRUE JOURNALISM"
    Related posts
    International

    ઇઝરાયેલ ગાઝામાંકામચલાઉ યુદ્ધવિરામ કરાર ઇચ્છે છે : હમાસ અધિકારી

    (એજન્સી) તા.૧૬હમાસના રાજકીય બ્યુરોના…
    Read more
    International

    પેલેસ્ટીન માટે સહાય એકત્ર કરવા ભારતમાંકોઈ સંસ્થા સ્થપાઈ નથી : પેલેસ્ટીની દૂતાવાસ

    (એજન્સી) તા.૧૬નવી દિલ્હીમાં…
    Read more
    International

    ઇઝરાયેલ પર હુમલા પછી બાઇડેન ઇરાનની ઓઇલલાઇફલાઇનમાં ઘટાડો કરે તેવી શક્યતા નથી : અહેવાલ

    ગૃહમાં રિપબ્લિકન નેતાઓએ જાહેર કર્યું…
    Read more
    Newsletter
    Become a Trendsetter

    Sign up for Davenport’s Daily Digest and get the best of Davenport, tailored for you.