ગાંધીનગર, તા.ર૭
એસએસસી (ધો.૧૦) અને એચએસસી (ધો.૧ર) વિજ્ઞાનપ્રવાહ, સામાન્યપ્રવાહ, ઉ.ઉ.બુનિયાદી પ્રવાહ, વ્યવસાયલક્ષી પ્રવાહ તથા સંસ્કૃત માધ્યમની જુલાઈ ર૦૧૮ની પૂરક પરીક્ષાની હોલટિકિટનું વિતરણ જિલ્લાના વિતરણ સ્થળે તા.૩૦-૬-ર૦૧૮ના રોજ સવારે ૧૦ઃ૦૦થી ૧૬ઃ૦૦ કલાક દરમિયાન વિતરણ થનાર છે. જેની વિગતો બોર્ડની વેબસાઈટ http://www.gseb.org ઉપર મૂકવામાં આવેલ છે જ્યારે માર્ચ ર૦૧૮ની ઉ.મા.પ્ર.પરીક્ષા ધો.૧ર સામાન્ય પ્રવાહ, ઉત્તર બુનિયાદી, વ્યવસાયલક્ષી પ્રવાહના તથા સંસ્કૃત માધ્યમ પરીક્ષાના અનુસંધાને જે ઉમેદવારોએ ગુણ ચકાસણીની અરજી કરેલ તેઓના ગુણના Change/No Changeના જવાબોની વિગતો જે તે શાળાઓમાં ટપાલ દ્વારા મોકલી આપવામાં આવેલ છે. આ ઉપરાંત જેમના ગુણમાં સુધારો થવાના કારણે Needs Improvementમાંથી EQC અર્થાત પાસ થયેલ છે તેમજ ગુણ ચકાસણીને કારણે જુલાઈ-ર૦૧૮ની પૂરક પરીક્ષામાં એક વિષયમાં બેસવાની પાત્રતા મેળવેલ છે. તેઓની યાદી બોર્ડની વેબસાઈટ http://www.gseb.org ઉપર મૂકવામાં આવેલ છે જેની વિદ્યાર્થીઓએ, વાલીઓએ તથા શાળાના આચાર્યઓએ નોંધ લેવી એમ ગુજરાત માધ્યમિક અને ઉચ્ચત્તર માધ્યમિક શિક્ષણ બોર્ડની એક યાદીમાં જણાવ્યું હતું.
- Tue, November 10, 2026
- Top Stories
- Trending
- Tue, November 10, 2026