માંગરોળ, તા.૧ર
રબારી-ભરવાડ-ચારણ કે અન્ય કોમને અનામત આપવામાં આવે તેની સામે અમને વાંધો નથી પરંતુ આદિવાસીઓના અધિકાર અને બંધારણીય હક્કો સાથે ચેડાં કરી, આદિવાસીઓની અનામતમાં ભાગલા પાડવામાં આવે એની સામે સખત વાંધો છે. એવી માંગ સાથે આજે માંગરોળ તાલુકા આદિવસી સમાજે માંગરોળના નાયબ મામલતદાર ઓઝારાને એક આવેદનપત્ર રજૂ કર્યું છે.
રાજ્યપાલને સંબોધીને આપેલ આવેદનપત્રમાં જણાવ્યું છે કે રાજ્યમાં ભાજપ સરકાર સત્તા ઉપર આવી ત્યારથી આદિવાસીઓ માટે નવા-નવા પરિપત્રો બહાર પાડી આદિવાસીઓને સતત અન્યાય કરાઈ રહ્યો છે. હાલમાં આ ભાજપ સરકારે મૂળ નિવાસી આદિવાસીઓમાં અન્ય કોમનો સમાવેશ કરી આ સરકારે જનજાતિના પ્રમાણપત્રો એનાયત કરી નોકરીઓ પણ આપવામાં આવતા, આદિવાસી સમાજમાં ઘેરા પ્રત્યાઘાતો પડ્યા છે. આવેદનપત્રમાં આક્ષેપ કર્યો છે કે કેટલાક બની બેઠેલા આદિવાસી નેતાગીરીઓએ આવું કૃત્ય કરી આદિવાસીઓને ઘમરોળવાનું કામ કર્યું છે. જેથી આવા આદિવાસી નેતાઓ સામે સમાજે આંદોલન કરવાની ફરજ ઊભી થઈ છે. મૂળ નિવાસી આદિવાસીઓને ભણતર અને નોકરીઓમાંથી વંચિત કરી દેવાનું કાવતરૂં આ ભાજપની સરકાર કરી રહી છે. અંતમાં આ મનસ્વી નિર્ણય પરત ન ખેંચાશે તો ગાંધી ચિંધ્યા માર્ગે આંદોલન કરવાની ચિમકી ઉચ્ચારી છે.
- Sat, October 24, 2026
- Top Stories
- Trending
- Sat, October 24, 2026