મોરબી,તા.ર૭
મોરબી જિલ્લામાં બાળકોની ઉઠાંતરીના સોશિયલ મીડિયામાં વાઈરલ થયેલા મેસેજ ખોટા તદ્દન પાયાવિહોણા હોય મોરબી જિલ્લા પોલીસ ચાલતી અફવાનુ ખંડન કર્યુ છે. જિલ્લા પોલીસવડા દ્વારા આજે પત્રકાર પરિષદ યોજી અફવાઓ પર ધ્યાનના આપવા અને અફવાઓ ફેલાતી રોકવા નાગરિકોને અપીલ કરવામાં આવી હતી. મોરબી જિલ્લા પોલીસવડા જયપાલસિંહ રાઠોડ દ્વારા ષબાળકોને ઉઠાવી જતી ગેંગ મોરબી જિલ્લામાં આવી હોવાના સોશિયલ મીડિયામાં વાઈરલ મેસેજ અંગે સ્પષ્ટતા કરવામાં આવી છે. જેમાં જણાવ્યું છે કે હાલમાં સોશિયલ મીડિયાના પ્લેટફોર્મ જેવા કે વોટસએપ ફેસબુક ટ્વીટર મારફત અફવા ચાલી રહી છે. મોરબી જિલ્લામાં કોઈ ચોક્કસ ગેંગ બાળકોના અપહરણ કરવા માટે ઉતરેલ છે તે વાત તદન ખોટી અને પાયાવિહોણી છે. આવી કોઈ ગેંગ મોરબી જિલ્લા ખાતે આવેલ નથી. આ માત્ર એક અફવા છે. તેમજ મોરબી જિલ્લાના તમામ નાગરિકોને આ પ્રકારની અફવાથી ડરવું નહી તેમજ આવી અફવા પર વિશ્વાસ કરવો નહી અને અફવાથી ગભરાઈને કાયદો હાથમાં લેવો નહી અને આવી અફવા ફેલાવનાર તત્વોથી સાવધાન રહેવુ આવી અફવાઓ સાંભળીને કોઈ વ્યક્તિ કાયદાને હાથમાં લેવાનું કૃત્ય કરતા જણાઈ આવે તો તેની જાણ મોરબી જિલ્લા પોલીસ કંટ્રોલ રૂમના ડાયલ નં ૧૦૦ પર કરવા વિનંતી કરવામાં આવી છે.
- Wed, November 11, 2026
- Top Stories
- Trending
- Wed, November 11, 2026