Gujarat

આગામી ચૂંટણી પરિણામ ગુજરાતની પ્રજાના ચહેરા પર ખુશી લાવનાર હશે

ભાવનગર,તા.ર૬
બોટાદ જિલ્લાના ગઢડા ગામે ગઈકાલે બુધવારે મોડી સાંજે પાસના આગેવાનો કાર્યકરોની બહોળી ઉપસ્થિતિમાં હાર્દિક પટેલનો રોડ શો યોજાયો હતો. હાલમાં વિધાનસભાની ચૂંટણીની જાહેરાત થઈ છે ત્યારે રાજકીય માહોલ ગરમાયો છે આવા સમયે હાર્દિક પટેલ અને તેમના સાથીદારો દ્વારા રોડ શો અને જાહેર સભા યોજવામાં આવી હતી. જેમાં મોટી સંખ્યામાં પાટીદાર ઉમટી પડયા હતા.
બોટાદના રોહિશાળાથી નિંગાળા અને ઉગામેડી બાદ ગઈકાલે મોડી સાંજે ગઢડા ખાતે પોતાના ટેકેદારો સાથે હાર્દિક પટેલે રોડ શો યોજયો હતો. આ પ્રસંગે એસ.પી. સ્વામી દ્વારા હાર્દિક પટેલને સાફો બાંધી સ્વાગત કરવામાં આવ્યું હતું તે દરમ્યાન ગોપીનાથજી દેવ મંદિરના વહીવટી ચેમ્બરમાં એસ.પી. સ્વામી સાથે બંધ બારણે હાર્દિક પટેલની બેઠક પણ યોજાઈ હતી. ત્યારબાદ સ્વામીનારાયણની યાત્રાધામમાં હાર્દિક પટેલે જણાવ્યું હતું કે આગામી ચૂંટણીનું પરિણામ ગુજરાતની પ્રજાના ચહેરા ઉપર ખુશી લાવનારૂ હશે. રાજયના યુવાનો અને આત્મહત્યા કરનાર ખેડૂતોના લાભાર્થે ભગવાન પાસે પ્રાર્થના કરી હોવાનું પણ હાર્દિકે જણાવ્યું હતું. આવનારી ચૂંટણીનું પરિણામ પ્રજાલક્ષી હોવાનું અને પ્રજાના પ્રતિનિધિ તરીકે પોતે લડત શરૂ રાખશે તેમ જણાવ્યું હતું. આ ઉપરાંત ગઢડા નજીકના માંડવધાર ગામે પણ હાર્દિક પટેલે સભા યોજી હતી. જેમાં મોટી સંખ્યામાં લોકો ઉમટી પડયા હતા.

About author

Articles

"VOICE OF TRUE JOURNALISM"
    Related posts
    GujaratHarmony

    ભરૂચની પટેલ વેલ્ફેર હોસ્પિ.માં કોમી એકતાનો અનોખો કિસ્સો મુસ્લિમ મિત્રોની મદદથી સુરતનો ચંદન મોત સામેનો જંગ જીતી ગયો

    માતા-પિતાના અવસાન બાદ બે બહેનોન…
    Read more
    Gujarat

    વટામણ-ધોલેરા હાઇવે પર ભોળાદ ગામ નજીક કાર-ટ્રક વચ્ચે સર્જાયેલ ગોઝારા અકસ્માતમાં અમદાવાદના એક જ પરિવાના ચારનાં મોત

    શાહપુર વિસ્તારના લોકો ઇદ નિમિત્તે…
    Read more
    CrimeGujarat

    સુરતના VR મોલને મળ્યો ધમકીભર્યો મેઈલ જેટલાને બચાવવા હોય તેટલાને બચાવી લો, બ્લાસ્ટ કરવામાં આવશે

    પોલીસે બે હજારથી વધુ લોકોને બહાર…
    Read more
    Newsletter
    Become a Trendsetter

    Sign up for Davenport’s Daily Digest and get the best of Davenport, tailored for you.