National

અમિત શાહ NPR અને NRCમાં કોઇ સંબંધ નહીં હોવાનું કહી રહ્યા છે, પરંતુ તેમની સરકારે સંસદમાં ૯ વાર કડી જોડી છે

(એજન્સી) નવી દિલ્હી, તા. ૨૫
કેન્દ્રીય ગૃહ પ્રધાન અમિત શાહે નેશનલ પોપ્યુલેશન રજિસ્ટર (એનપીઆર) અને નેશનલ રજિસ્ટર ઓફ સિટીઝન્સ (એનઆરસી) વચ્ચે તફાવત કરતા જણાવ્યું કે બંને અલગ-અલગ કાયદાથી સંચાલિત હોય છે. એનપીઆરના આંકડાનો ઉપયોગ એનઆરસીની ક્વાયત માટે ક્યારેય પણ કરવામાં આવશે નહીં. આ બંનેની પ્રક્રિયાના પરસ્પર કોઇ સંબંધ નથી અને ન તો તેમના સર્વેનો ઉપયોગ એક-બીજા માટે કરવામાં આવશે. કેન્દ્રીય ગૃહ પ્રધાને કહ્યું કે હું લોકોને અને ખાસ કરીને લઘુમતી સમુદાયને ખાતરી આપવા માગું છું કે એનપીઆરનો એનઆરસી સાથે કોઇ લેવા-દેવા નથી. અમિત શાહ ભલે જે કંઇ કહે પરંતુ તથ્ય બતાવે છે કે એનઆરસીને એનપીઆરના આધારે જ સંચાલિત કરવામાં આવશે. વાસ્તવમાં એનપીઆર એ નિયમો-કાયદાઓનો હિસ્સો છે, જેના આધારે એનઆરસી તૈયાર થશે. નરેન્દ્ર મોદી સરકારે સંસદમાં આ વાત એક વાર નહીં પરંતુ ૯ પ્રસંગોએ કહી છે.
• ૨૦૧૪ની ૮મી જુલાઇએ સંસદમાં રાજ્ય કક્ષાના ગૃહ પ્રધાન કિરન રિજિજુએ કોંગ્રેસના સાંસદ રાજીવ સાતવના પ્રશ્નના જવાબમાં કહ્યું હતું કે એનપીઆરની સમીક્ષા ચાલુ છે અને તેના દ્વારા નાગરિકતાની સ્થિતિની ખરાઇ કરાશે.
• ૨૦૧૪ની ૧૫ જુલાઇ અને ૨૨મી જુલાઇએ રિજિજુએ ફરી એનપીઆર અને એનઆરઆઇસી અંગે આ પ્રકારની વાત લોકસભામાં પ્રશ્ન કાળ દરમિયાન કહી હતી.
• ૨૦૧૪ની ૨૩મી જુલાઇએ આ બાબતે તેમણે રાજ્યસભામાં નિવેદન કર્યું હતું.
• ૨૦૧૪ની ૨૯મી નવેમ્બરે તેમણે રાજ્યસભામાં કહ્યું હતું કે નેશનલ રજિસ્ટર ઓફ ઇન્ડિયન સિટીઝન્સથી પ્રત્યેક સામાન્ય નાગરિકની નાગરિકતાની પુષ્ટિ કરાશે.
• ૨૧ એપ્રિલ અને ૨૮ જુલાઇએ આવી જ રીતે રાજ્યકક્ષાના કેન્દ્રીય ગૃહ પ્રધાન એચપી ચૌધરીએ પણ આ આશયનું નિવેદન કર્યું હતું.
• ૨૦૧૫ની ૧૩મી મે એ રાજ્યસભામાં રિજિજુએ ફરી વાર આ વાતનો પુનરોચ્ચાર કર્યો હતો.
• ૨૦૧૬ની ૧૧મી નવેમ્બરે રાજ્યસભામાં પ્રશ્ન કાળ દરમિયાન આ વાતનો પુનરોચ્ચાર કરાયો હતો.

About author

Articles

"VOICE OF TRUE JOURNALISM"
    Related posts
    National

    રાજકોટ પછી દિલ્હીની હોસ્પિટલ સળગી, ૭ નવજાતનાં મોત

    દિલ્હીની વિવેકવિહારમાં આવેલી ન્યુ…
    Read more
    NationalPolitics

    ‘‘મારો દીકરો તમને સોંપું છું’’ : રાયબરેલીમાં સોનિયાની ભાવુક અપીલ

    રાયબરેલીમાં સોનિયા ગાંધી સાથે…
    Read more
    National

    બુરખો પહેરેલી પ્રશંસકને ગળેભેટવાનું શાહરૂખ ખાને ટાળી લોકોના દિલ જીત્યાં, વીડિયો વાયરલ થયો

    (એજન્સી) તા.૧૭બોલિવૂડ સુપરસ્ટાર…
    Read more
    Newsletter
    Become a Trendsetter

    Sign up for Davenport’s Daily Digest and get the best of Davenport, tailored for you.