Gujarat

સુરતમાં યુથ કોંગ્રેસ દ્વારા અમિત શાહનું પૂતળા દહન વેળા પોલીસકર્મીનું પેન્ટ સળગતાં અફડાતફડી

(સંવાદદાતા દ્વારા) સુરત, તા.૨૫
શહેરના પુણા વિસ્તારમાં આજે યુથ કોંગ્રેસના કાર્યકર્તાઓ દ્વારા નોટબંધી દરમિયાન બેંકોમાં કરોડો રૂપિયાનું કૌભાંડ કર્યું હોવાના આક્ષેપો સાથે અમિત શાહનું પૂતળું બાળવાનો કાર્યક્રમ કર્યો હતો. યુથ કોગ્રેસના કાર્યકર્તાઓએ અમિત શાહનું પુતળું બાળ્યું હતું. પરંતુ આ સમયે જ તેઓને અટકાવવા ગયેલા એક પોલીસે કર્મચારીનું પેન્ટ સળગી ઉઠતા અફડાતફડી મચી જવા પામી હતી. પુણા પોલીસે કુલ ૨૦ જેટલાની અટકાયત કરી હતી. નોટબંધી દરમિયાન અમદાવાદની ડિસ્ટ્રીક્ટ બેંકમાં કરોડો રૂપિયાની જૂની નોટના બદવામાં નવી નોટો મેળવી કૌભાંડ કર્યું હોવાના આક્ષેપો સાથે યુથ કોંગ્રેસ દ્વારા ભારતભરમાં આજે અમિત શાહના પૂતળા દહનનો કાર્યક્રમ કરવાનું નક્કી કરવામાં આવ્યું હતું. કાર્યક્રમ મુજબ સુરત યુથ કોંગ્રેસના પ્રમુખ પ્રદિપ ભરવાડ તથા પુણા વિસ્તારના કોંગ્રેસના કોર્પોરેટર દિનેશ સાવલિયા સહિત ૨૦ થી વધુ કાર્યકર્તાઓ પુણા વિસ્તારમાં રસ્તા પર આવી અમિત શાહ અને બીજેપી વિરુદ્વમાં સૂત્રોચ્ચાર કર્યા હતા. આ સાથે યુથ કોંગ્રેસના કાર્યકર્તાઓ અમિત શાહનું પૂતળું લાવી રસ્તા પર નાંખી પેટ્રોલ છાંટી દીધું હતુુંં. જોકે, આ દરમિયાન કાપોદ્રાનો અજગર અલી નામનો એક પોલીસ કર્મચારી ત્યાં પહોંચી પૂતળુ ખેચવાનો પ્રયત્ન કર્યો હતો. જેના કારણે તેના કપડાં પર પણ પેટ્રોલ પડ્યું હતું, અને આ દરમિયાન અચાનક જ એક કાર્યકરે દિવાસળી ચાંપી દેતા પૂતળાની સાથે પોલીસ કોન્સ્ટેબલ અજગર અલીનું પેન્ટ પણ સળગ્યું હતું. જેના કારણે અફડાતફડી મચી જવા પામી હતી. જોકે, સદનસીબે કોન્સ્ટેબલનો બચાવ થયો હતો. બનાવને પગલે પુણા પોલીસે પ્રદિપ ભરવાડ તથા કોર્પોરેટર દિનેશ સાવલિયા સહિત કુલ ૨૦થી વધું કાર્યકર્તાઓની અટકાયત કરી આગળની કાર્યવાહી હાથ ધરી હોવાનું જાણવા મળે છે.

About author

Articles

"VOICE OF TRUE JOURNALISM"
    Related posts
    Crime DiaryGujarat

    રાજકોટનો ગેમઝોન ભયંકર આગમાં બન્યો મોતનો ઝોન : ર૮નાં કરૂણ મોત

    માત્ર એક કલાકમાં જ ર૪ જેટલા મૃતદેહો…
    Read more
    Gujarat

    હિંમતનગરના ગામડી પાસે નેશનલ હાઈવે પર વાહનની ટક્કરે વ્યક્તિનું મોત ઉશ્કેરાયેલા લોકોએ હાઈવે બ્લોક કર્યો પોલીસ પર પથ્થરમારો કરી વાનને આગ ચાંપી

    ટોળાને વિખેરવા ટીયરગેસના ૧ર૦થી વધુ…
    Read more
    AhmedabadGujarat

    વૃક્ષો જ નહીં હોય ત્યાં તીવ્ર ગરમીમાં ક્યાં જઈશું ?

    રાજ્યમાં હાલ તીવ્ર ગરમીનો માહોલ છે.
    Read more
    Newsletter
    Become a Trendsetter

    Sign up for Davenport’s Daily Digest and get the best of Davenport, tailored for you.