(સંવાદદાતા દ્વારા)
મોડાસા, તા.૧ર
કોરોના વાયરસની મહામારીને નાથવા કેન્દ્ર સરકારે જાહેર કરેલા લોક ડાઉનથી અનેક ધંધાર્થીઓની હાલત દાયનીય બની છે જેમાં કલાકારો અને સાઉન્ડ સંચાલક તેમજ ડીજે સંચાલકોની હાલત કફોડી બની છે, ત્યારે અરવલ્લી જિલ્લા કલેક્ટર કચેરી ખાતે કલાકારો અને ડીજેના વ્યવસાય સાથે જોડાયેલ લોકોએ તેમના વ્યવસાયને સરકારી ગાઈડલાઈન અનુસાર મંજૂરી આપવામાં આવેની માંગ સાથે અધિક જીલ્લા કલેકટરને આવેદનપત્ર આપી રજુઆત કરી હતી કે લોક ડાઉનથી કલા જગતના તમામ કલાકારોની રોજગારી પર માઠી અસર પડી છે.કલાકારો રોજગારી વિના મુંઝવણમાં મુકાયા છે, જિલ્લાના મોટા ભાગના સંચાલકોની પોગ્રામ પર નિર્ભર હોવાથી પરિવારનું ગુજરાન ચલાવવા હવે કોઈ વિકલ્પ દેખાતો નથી, અનલોક-૪ માં સરકાર નવી ગાઈડ લાઈન સાથે અનેક ધંધા રોજગારને મંજૂરી આપી ધમધમતા કરી દીધા છે, અમો સૌ કલાકારો અને સાઉન્ડ સિસ્ટમના સંચાલકોને ધાર્મિક, સામાજિક, સરકારી સહિતના કાર્યક્રમોમાં ભાગ લઈ રોજગારી મેળવી શકીએ એ માટે સરકારની ગાઈડ લાઈન મુજબ મંજૂરી આપવા રજૂઆત કરી હતી.
