International

મુસ્લિમ સમુદાયે અખાતી દેશ અને વિશ્વના અન્ય વિસ્તારોમાં ઈદ-ઉલ-અઝહાની ઉજવણી કરી

તુર્કીની વ્યસ્ત શેરીઓથી લઈને અતિ-આધુનિક યુએઈ સુધી, મુસ્લિમોએ આ ઉત્સવની ઉત્સાહ અને આસ્થા સાથે ઉજવણી કરી છે

(એજન્સી) તા.૧૬
ઈદ-ઉલ-અઝહા, જેને બલિદાનના તહેવાર તરીકે પણ ઓળખવામાં આવે છે, તે ૧૬ જૂન, રવિવારના રોજ અખાતના દેશો અને વિશ્વના લાખો મુસ્લિમો દ્વારા ઉજવવામાં આવ્યો હતો. ઈદ-ઉલ-અઝહા ઈદ એક પવિત્ર પ્રસંગ છે જેને ‘બલિદાનનો તહેવાર’ પણ કહેવામાં આવે છે અને તે ઈસ્લામિક અથવા ચંદ્ર કેલેન્ડરના ૧૨ મા મહિના, ઝીલ અલ-હિજ્જાના ૧૦મા દિવસે ઉજવવામાં આવે છે. આ નોંધપાત્ર ઇસ્લામિક તહેવાર આનંદ અને શાંતિ અને બલિદાનનું સ્મરણ છે અને લોકો તેમના પરિવારો સાથે ઉજવણી કરે છે, ભૂતકાળના મતભેદો દૂર કરે છે અને અર્થપૂર્ણ સંબંધો બનાવે છે. તે પયગંબર ઇબ્રાહિમ (અ.સ.)ના પુત્ર પયગંબર ઇસ્માઇલ (અ.સ.)ની અલ્લાહના હુકમ અને આજ્ઞાપાલન માટે બલિદાન અથવા રો કુરબાની આપવાની ઇચ્છાની યાદી તરીકે ઉજવવામાં આવે છે. આ દિવસે મુસ્લિમો એક પ્રાણી, સામાન્ય રીતે બકરી, ઘેટાં અથવા ઊંટ અથવા અન્ય પ્રાણીનું બલિદાન આપે છે અને તેના માંસને પાડોશીઓ, મિત્રો અને ગરીબોમાં વહેંચે છે. તુર્કીની વ્યસ્ત શેરીઓથી લઈને અતિ-આધુનિક યુએઈ સુધી, મુસ્લિમોએ આ ઉત્સવની ઉત્સાહ અને આસ્થા સાથે ઉજવણી કરી છે. પ્રાસંગિક રીતે, પવિત્ર હજની વિધિ કરવા માટે અરાફાત ખાતે ૧૫ લાખથી વધુ મુસ્લિમ હજ યાત્રાળુઓ એકઠા થયા હતા. આ પ્રસંગે વિશ્વના નેતાઓએ તેમની શુભેચ્છાઓ આપી હતી. રાષ્ટ્રપતિ શેખ મોહમ્મદે ‘ઈદ-ઉલ-અઝહા’ દરમિયાન શાંતિ અને સૌહાર્દની શુભેચ્છા પાઠવી હતી. દુબઈના ઉપરાષ્ટ્રપતિ અને શાસક શેખ મોહમ્મદ બિન રશીદે પણ ઈદ અલ અદહાની શુભેચ્છા પાઠવી હતી. સ્કોટલેન્ડના પ્રથમ મુસ્લિમ મંત્રી હમઝા હારૂન યુસુફે ટ્‌વીટ કરીને આ પ્રસંગે શુભેચ્છા પાઠવી હતી. કેનેડાના વડાપ્રધાને પણ તેમની ઈદની શુભેચ્છાઓ આપી હતી અને તેમના ટિ્‌વટમાં આ સમય દરમિયાન પેલેસ્ટીનીઓની વેદના અને ઈસ્લામોફોબિયાના ઉદય અંગે દુખ વ્યક્ત કર્યું હતું. લંડનના મેયર સાદિક ખાને ઈદની શુભેચ્છાનો વીડિયો ટ્‌વીટ કર્યો છે. યુગાન્ડા (ઁન્ેં)ના સંસદસભ્યએ તેમની ઈદની તસવીર સાથે શુભેચ્છા પાઠવી હતી.

Related posts
International

બ્રિટનના પત્રકાર સંઘે ગાઝા પર ઇઝરાયેલના હવાઈહુમલામાં પાંચ પત્રકારોની હત્યાની ટીકા કરી

(એજન્સી) તા.૨૮બ્રિટિશ નેશનલ યુનિયન ઓફ…
Read more
International

અરબ લીગે અલ-અક્સા મસ્જિદ પરઇઝરાયેલના મંત્રીની ઘૂસણખોરીની નિંદા કરી

(એજન્સી) કૈરો, તા.૨૮અરબ લીગ (AL)ના…
Read more
International

બશર અસદના સંબંધીઓએ લેબેનોનથી બહાર જવાનો પ્રયાસ કરતાં ધરપકડ કરવામાં આવી

(એજન્સી) તા.૨૮સીરિયન રાષ્ટ્રપતિ બશર…
Read more
Newsletter
Become a Trendsetter

Sign up for Davenport’s Daily Digest and get the best of Davenport, tailored for you.