International

યમને તેલ અવીવ પર બીજા હુમલાનું વચનઆપીને કહ્યું કે ઉલટી ગણતરી શરૂ થઇ

(એજન્સી) તા.૨૨
યમનની નૌકાદળનું કહેવું છે કે તે અલ-હુદાયદાહના લાલ સમુદ્રના બંદર પર ઇઝરાયેલના ઘાતક હવાઈ હુમલાના જવાબમાં ફરી એકવાર તેલ અવીવને નિશાન બનાવશે. યમનની નૌકાદળના પ્રવક્તા રફીક અલ-જંદે રવિવારના દિવસે જણાવ્યું હતું કે, હુદાયદાહ બંદર સામે યહુદી આક્રમણનો અમારો પ્રતિસાદ નજીકના ભવિષ્યમાં ફરી એકવાર તેલ અવીવને નિશાન બનાવીને અમલમાં મૂકવામાં આવશે. તેમણે ઉમેર્યું હતું કે, શહેરને તાજેતરમાં યમનની બેંક ઓફ ટાર્ગેટ્‌સમાં સામેલ કરવામાં આવ્યું છે. તેમણે પેલેસ્ટીની ન્યૂઝ એજન્સી કુડ્‌સ ન્યૂઝ નેટવર્કને જણાવ્યું, યમનની સશસ્ત્ર દળોએ ગાઝા પર યહુદી શાસનના સતત હુમલા અને નિર્દોષ પેલેસ્ટીની નાગરિકોના નરસંહારને કારણે કબજો કરનારાઓ સામે તેમની કામગીરીનો વ્યાપ ધીમે ધીમે વધારવાનો નિર્ણય કર્યો છે. શનિવારે, ઇઝરાયેલી યુદ્ધ વિમાનોએ હુદાયદાહમાં ઇમારતો, તેલ સુવિધાઓ અને પાવર સ્ટેશનને નિશાન બનાવ્યું, જેમાં ઓછામાં ઓછાં છ લોકો માર્યા ગયા અને ૮૩ ઘાયલ થયા, જેમાંથી ઘણા ગંભીર રીતે દાઝી ગયા. યમની દળોએ તેમના દેશથી ઓછામાં ઓછાં ૧૮૦૦ કિલોમીટર દૂર તેલ અવીવમાં ડ્રોન છોડ્યાના એક દિવસ પછી ઇઝરાયેલી દરોડો આવ્યો હતો. યમનના અંસારૂલ્લા ચળવળના પ્રવક્તા મોહમ્મદ અબ્દુલસલામે રવિવારે ચેતવણી આપી હતી કે ઇઝરાયેલને યમનીઓના પ્રતિભાવમાં કોઈ લાલ રેખાઓ હશે નહીં. તેમણે કતારના અલ જઝીરા ટીવીને કહ્યું, તેના તમામ સ્તરો સાથેની તમામ સંવેદનશીલ સંસ્થાઓ અમારા માટે લક્ષ્ય હશે. તેમના ટિ્‌વટર એકાઉન્ટ પરની એક પોસ્ટમાં, યમનની શુરા કાઉન્સિલના સભ્ય અબ્દુલસલામ જહાફે કહ્યું, ઉલટી ગણતરી શરૂ થઈ ગઈ છે. વધુમાં, યમનના બ્રિગેડિયર જનરલ અબ્દુલ-ગની અલ-ઝુબૈદીએ કહ્યું કે, વોશિંગ્ટને મસ્કત દ્વારા સનાને જાણ કરી છે કે યુ.એસ. તણાવમાં વધારો ઇચ્છતું નથી. દરમિયાન, ઇઝરાયેલી મીડિયાએ અહેવાલ આપ્યો છે કે શાસનની હવાઈ અને નૌકા દળો સંભવિત યમની બદલા માટે ઉચ્ચ ચેતવણી પર છે. અન્ય અહેવાલોમાં જણાવાયું છે કે, ઇઝરાયેલના યુદ્ધ વિમાનોએ કબજા હેઠળના અલ-કુદ્‌સ અને પશ્ચિમ કાંઠે તેમજ કબજે કરેલી જમીનોના ઉત્તરીય ભાગોમાં પેટ્રોલિંગ કર્યું હતું. તેલ અવીવના શાસને ગાઝા પટ્ટી પર નરસંહારની લડાઈ શરૂ કરી, જેમાં લગભગ ૩૯,૦૦૦ પેલેસ્ટીનીઓ માર્યા ગયા ત્યારથી યમનની દળોએ કબજે કરેલા પેલેસ્ટીની પ્રદેશો તેમજ તેની સાથે જોડાયેલા ઇઝરાયેલી જહાજો લક્ષ્ય બનાવી રહ્યાં છે. જ્યાં સુધી શાસન ગાઝા અને પેલેસ્ટીની પ્રદેશ સામે લાગુ કરવામાં આવી રહેલી ઘેરાબંધી સામે આક્રમણ ચાલુ રાખશે ત્યાં સુધી તેઓએ તેમની કામગીરી ચાલુ રાખવાની પ્રતિજ્ઞા લીધી છે.

Related posts
International

બ્રિટનના પત્રકાર સંઘે ગાઝા પર ઇઝરાયેલના હવાઈહુમલામાં પાંચ પત્રકારોની હત્યાની ટીકા કરી

(એજન્સી) તા.૨૮બ્રિટિશ નેશનલ યુનિયન ઓફ…
Read more
International

અરબ લીગે અલ-અક્સા મસ્જિદ પરઇઝરાયેલના મંત્રીની ઘૂસણખોરીની નિંદા કરી

(એજન્સી) કૈરો, તા.૨૮અરબ લીગ (AL)ના…
Read more
International

બશર અસદના સંબંધીઓએ લેબેનોનથી બહાર જવાનો પ્રયાસ કરતાં ધરપકડ કરવામાં આવી

(એજન્સી) તા.૨૮સીરિયન રાષ્ટ્રપતિ બશર…
Read more
Newsletter
Become a Trendsetter

Sign up for Davenport’s Daily Digest and get the best of Davenport, tailored for you.