Downtrodden

વિદ્યાપીઠમાંથી દલિત પરિવારોના સામાન દૂર કરવામાં આવ્યા

(એજન્સી) નવી દિલ્હી, તા.૨૫
ગુજરાત વિદ્યાપીઠ કેમ્પસમાં રહેતા દલિત પરિવારોને તેમની વીજળી અને પાણી પુરવઠો કાપીને તેમના રહેઠાણમાંથી બહાર કાઢવાના કથિત પ્રયાસોને લઈને વિવાદનું વંટોળ ફાટી નીકળ્યું છે. પરિવારના સભ્યોના જણાવ્યા અનુસાર, તેઓ કેમ્પસના ત્રીજી પેઢીના રહેવાસી છે. તેઓ દાવો કરે છે કે તેઓનો સામાન તાજેતરમાં કોઈપણ પૂર્વ સૂચના આપ્યા વગર તેમના ઘરોમાંથી દૂર કરવામાં આવ્યો હતો, જેના કારણે તેઓ સોમવારે મોડી રાત્રે વિદ્યાપીઠ સત્તાધિકારીની ઓફિસ અને રહેઠાણોની બહાર વિરોધ પ્રદર્શન કરવા માટે પ્રેરિત થયા હતા. જ્યારે પરિવારોએ ફરિયાદ નોંધાવવા પોલીસનો સંપર્ક કર્યો હતો, ત્યારે ગુજરાત વિદ્યાપીઠના અધિકારીઓએ જણાવ્યું હતું કે, તેઓએ પરિવારો સાથે ચર્ચા કરી છે અને કોર્ટના પેન્ડિંગ કેસનું પાલન કરવા અને કોર્ટના ચુકાદા અનુસાર કાર્ય કરવા સંમત થયા છે. ઇન્ચાર્જ રજિસ્ટ્રાર નિખિલ ભટ્ટે જણાવ્યું હતું કે, ઘણાં સમય પહેલાં તેમને ફાળવવામાં આવેલા આવાસોમાં ત્રણ પરિવારો રહે છે. આ રહેઠાણો ગેરકાયદેસર છે અને તોડી પાડવાનું કામ શરૂ થઈ ગયું છે. જ્યારે અન્ય રહેવાસીઓ સ્થળાંતર કરી ગયા છે, ત્રણ પરિવારો હજુ પણ ત્રણ આવાસમાં તેમનો સામાન હતો. સુરક્ષાની હાજરીમાં અને વીડિયોગ્રાફિક દસ્તાવેજો સાથે આ રહેઠાણોમાંથી સામાનને સલામત સ્થળે ખસેડવામાં આવ્યો હતો જેથી અમે જર્જરિત મકાનોને દૂર કરવાની પ્રક્રિયા શરૂ કરી શકીએ. દરમિયાન, ગુજરાત કોંગ્રેસે જાહેર કર્યું છે કે, તેઓ વિરોધમાં જોડાશે અને મંગળવારના રોજ ગુજરાત પ્રદેશ કોંગ્રેસ સમિતિના અનુસૂચિત જાતિ વિભાગના અધ્યક્ષ હિતેન્દ્ર પીઠડિયાએ અસરગ્રસ્ત પરિવારોની મુલાકાત લીધી હતી.

Related posts
Downtrodden

પાર્લ પાસે આત્મવિલોપન કરનાર બાગપતનો વ્યક્તિ દલિત હતો અને ‘ન્યાય’ ઝંખતો હતો

(એજન્સી) બાગપત, તા.ર૮બાગપતના ૨૬ વર્ષીય…
Read more
Downtrodden

વિવિધ દલિત સંગઠનો મનુ સ્મૃતિનેસળગાવીને ૧૯૨૭ની ઘટનાની ઉજવણી કરીૃ

હુબલીના દુર્ગાડ બેલ ખાતે સમતા સેના…
Read more
Downtrodden

ટેન્શન અને ફક્ત ટેન્શન… નીતિશની સદી બાદ તેના પિતાના આંસુ છલકાયામાતા-પિતા અને બહેનને મળી નીતિશકુમાર રેડ્ડી ઇમોશનલ થયો

મેલબોર્ન, તા.૨૯નીતિશકુમાર રેડ્ડીએ…
Read more
Newsletter
Become a Trendsetter

Sign up for Davenport’s Daily Digest and get the best of Davenport, tailored for you.