Crime Diary

બહરાઇચ હિંસા : ૮૭ લોકોની ધરપકડ, કથિતઆરોપીઓના એન્કાઉન્ટર, દુકાનોમાં તોડફોડ

(એજન્સી) તા.ર૦
ઉત્તરપ્રદેશના બહરાઇચમાં દુકાનદારોએ શનિવારે દુકાનો ખાલી કરી અને તેમનો સામાન બચાવી લીધો હતો, અહી ડિમોલિશન ડ્રાઇવ શરૂ થઈ રહી હતી, અને દુર્ગા પૂજા સરઘસ દરમિયાન એક વ્યક્તિના મૃત્યુના એક અઠવાડિયા પછી સાંપ્રદાયિક તણાવ અને ત્યારબાદ અનેક ધરપકડો થઈ છે. જિલ્લાના મહારાજગંજ વિસ્તારમાં ધાર્મિક સંસ્થાની સામે લોકોના એક જૂથે મોટેથી સંગીત વગાવ્યા પર વાંધો ઉઠાવ્યા બાદ કોમી અથડામણ દરમિયાન રામ ગોપાલ મિશ્રા નામના ૨૨ વર્ષીય વ્યક્તિની ગોળી મારીને હત્યા કરવામાં આવી હતી. આ ઘટના પછી એક વીડિયો પ્રસારિત થયો હતો જેમાં તે ઉન્માદમાં ઘરની છત પરથી લીલો ઝંડો હટાવતો અને ભગવો ધ્વજ લગાવતો હતો. ત્યારબાદ તરત જ તેને ગોળી મારી દેવામાં આવી હતી. સાંપ્રદાયિક તણાવ વચ્ચે સત્તાવાળાઓને ચાર દિવસ માટે ઇન્ટરનેટ સ્થગિત કરવાની ફરજ પડી હતી. કેટલીક દુકાનો, મકાનો અને વાહનોમાં તોડફોડ કરવામાં આવી હતી. મુખ્ય પ્રધાન યોગી આદિત્યનાથે પોલીસને કાયદો અને વ્યવસ્થામાં ખલેલ પહોંચાડનારા અથવા અફવા ફેલાવનારાઓ સાથે કડક કાર્યવાહી કરવાનો આદેશ આપ્યો હોવા છતાં ૧૪ ઑક્ટોબરે કારના શોરૂમમાં આગ લગાડવામાં આવી હતી. તેઓ મિશ્રાના પરિવારને લખનૌમાં તેમના સત્તાવાર નિવાસસ્થાને પણ મળ્યા હતા, જ્યાં તેમણે આરોપીઓ સામે કાર્યવાહીનું આશ્વાસન આપ્યું હતું. મિશ્રાના મૃત્યુમાં સંડોવાયેલા શંકાસ્પદ પાંચ લોકોની ગુરૂવારે યુપી પોલીસ સાથેના એન્કાઉન્ટર પછી ધરપકડ કરવામાં આવી હતી જેમાં મોહમ્મદ તાલીમ અને મોહમ્મદ સરફરાઝને ગોળી વાગતા ઈજાઓ થઈ હતી. આ પાંચે કથિત રીતે નેપાળ ભાગી જવાનો પ્રયાસ કર્યો હતો, જે બહરાઈચની સરહદ ધરાવે છે. તેમની ઓળખ મોહમ્મદ ફહીન, મોહમ્મદ સરફરાઝ, અબ્દુલ હમીદ, મોહમ્મદ તાલીમ ઉર્ફે સબલૂ અને મોહમ્મદ અફઝલ તરીકે થઈ હતી. શુક્રવાર સુધીમાં, ઉત્તર પ્રદેશ પોલીસે રમખાણોના સંબંધમાં બહરાઈચમાં ૮૭ લોકોની ધરપકડ કરી હતી અને આ મામલે ઓછામાં ઓછી ૧૧ એફઆઈઆર નોંધાયા પછી લગભગ ૧,૦૦૦ લોકો સામે કેસ નોંધવામાં આવ્યો હતો. આ હિંસા બાદ સર્કલ ઓફિસર રૂપેન્દ્ર ગૌર, તહસીલદાર રવિકાંત દ્વિવેદી અને જિલ્લા માહિતી અધિકારી ગુલામ વારિસ સિદ્દીકીને તેમના હોદ્દા પરથી હટાવી દેવામાં આવ્યા હતા. એક સ્ટેશન હાઉસ ઓફિસર અને પોલીસ ચોકીના ઈન્ચાર્જને સસ્પેન્ડ કરવામાં આવ્યા હતા. આ નોટિસમાં હમીદને ત્રણ દિવસમાં બાંધકામ ખાલી કરવા કહ્યું હતું અથવા તો તેને તોડી પાડવામાં આવશે અને આ કાર્યવાહી માટે થયેલ ખર્ચ તેની પાસેથી વસૂલવામાં આવશે. જિલ્લા મેજિસ્ટ્રેટ મોનિકા રાનીએ શુક્રવારે પત્રકારોને જણાવ્યું હતું કે મહરાજગંજમાં રસ્તા પહોળા કરવા માટે અતિક્રમણ દૂર કરવામાં આવી રહ્યા છે. એક અધિકારીએ સમાચાર એજન્સી પીટીઆઈને જણાવ્યું હતું કે રસ્તાના આંતરછેદ, વળાંકો અથવા જંકશન પોઈન્ટ પર બાંધવામાં આવેલા મકાનોને તોડી પાડવા માટે તે વાર્ષિક ધોરણે હાથ કવાયત હાથ ધરવામાં આવી રહી છે. બહરાઇચમાં દુકાનદારોએ જગ્યા ખાલી કરી અને તેમનો સામાન બચાવી લીધો છે કારણ કે જાહેર બાંધકામ વિભાગે ૨૩ સંસ્થાઓને નોટિસ આપી હતી જેમાંથી ૨૦ મુસ્લિમોની છે. મહસીસુરેશ્વર સિંઘના બીજેપી ધારાસભ્યએ પીટીઆઈને જણાવ્યું હતું કે, કુલ મળીને લગભગ ૫૦ દુકાનો છે. એક કે બે સિવાય, મહરાજગંજ બાયપાસ પર મોટાભાગની દુકાનો પર કાર્યવાહી થઈ શકે છે. કોઈને પણ બક્ષવામાં આવશે નહીં ભલે તેમનો ધર્મ ગમે તે હોય.

Related posts
Crime Diary

યુપીમાં ક્લાસના અન્ય વિદ્યાર્થીઓને સાથી વિદ્યાર્થીને થપ્પડ મારવાનું કહેનાર મહિલા શિક્ષકે આત્મસમર્પણ કર્યું, જામીન પણ મળ્યા

(એજન્સી) તા.૬ઉત્તરપ્રદેશમાં એક મહિલા…
Read more
Crime Diary

UP: મુરાદાબાદ હાઉસિંગ સોસાયટીમાં મુસ્લિમ ડોક્ટરનેફ્લેટ વેચવાને લઈને ‘મકાન વાપસ લો’ના સૂત્રોચ્ચાર સાથે દેખાવ

(એજન્સી) તા.૫ગુરૂવારે મુરાદાબાદમાં એક…
Read more
Crime Diary

“રાજધર્મ નિભાવો”; સંંભલ અને અજમેરનામુદ્દાઓ પર કેન્દ્રને સલાહ આપતા TMCના મંત્રી

રર વર્ષે ફરીથી કોઈએ ‘રાજધર્મ’…
Read more
Newsletter
Become a Trendsetter

Sign up for Davenport’s Daily Digest and get the best of Davenport, tailored for you.