International

ગાઝામાં હોસ્પિટલો પર ઇઝરાયેલના હુમલા અટકાવવાઆંતરરાષ્ટ્રીય સમાજને ગાઝાના આરોગ્ય મંત્રાલયની અપીલ

કમલ અદવાન સહિતની અનેક હોસ્પિટલોને ધરાશાયી કરવા બોમ્બમારો ચાલુ રખાયો હોવાની ગંભીર ફરિયાદ

(એજન્સી) ગાઝા, તા.૭
ગાઝામા નરસંહારની સાથે-સાથે આરોગ્ય ક્ષેત્રને ખતમ કરવા માટે ઇઝરાયેલ દ્વારા હોસ્પિટલો પર કરવામાં આવી રહેલા હુમલા અટકાવવા માટે તાકીદે દરમિયાનગીરી કરવા ગાઝા આરોગ્ય મંત્રાલય દ્વારા આંતરરાષ્ટ્રીય સમાજને અનુરોધ કરવામાં આવ્યો છે.
મંત્રાલયના એક નિવેદનમાં આંતરરાષ્ટ્રીય સમાજ તેમજ માનવ અધિકાર જૂથો અને આરોગ્ય સંગઠનોને આગ્રહભરી અપીલ કરવામાં આવી છે અને કહ્યું છે કે રેડ ક્રોસની આંતરરાષ્ટ્રીય સમિતિ અને અન્ય સંગઠનોએ આરોગ્ય માળખા પર થઈ રહેલા ભયાનક આક્રમણ તથા આરોગ્ય કર્મચારીઓ, તબીબો, દર્દીઓ અને ઇજાગ્રસ્તો પર થઈ રહેલા હુમલાને રોકવા માટે તાત્કાલિક વિશ્વ સમાજે દરમિયાનગીરી કરવી જોઈએ. નિવેદનમાં ઉમેર્યું હતું કે વિશ્વની નજર સામે ઇઝરાયેલ હોસ્પિટલોને ફૂંકી મારે છે અને અંદર જે લોકો છે તેમને પણ ખતમ કરી રહ્યું છે. વિશ્વની નજર સામે આ બની રહ્યું છે.
નિવેદન જણાવે છે કે ઉત્તર ગાઝામાં આવેલી એકમાત્ર કમલ અદવાન હોસ્પિટલ ઇઝરાયેલ દ્વારા થઈ રહેલા યુદ્ધઅપરાધોનું નિશાન બની રહી છે અને અનેક પ્રકારે હિંસા આ ચરીને હોસ્પિટલોની ઉપર અને આસપાસ ભયાનક હુમલા કરીને તબીબી કર્મીઓ, સ્ટાફને તથા દર્દીઓને અને ઈજાગ્રસ્તોને મારવામાં આવી રહ્યા છે. અત્યારે ગાઝામા ૩૬માંથી માત્ર ૧૭ હોસ્પિટલ ચાલુ છે અને તેમાં પણ દવાઓ નથી અને મેડિકલના સાધનો-સંરજામ નથી તેમજ બળતણ પણ નથી. શુક્રવારે ઇઝરાયેલનું લશ્કર કમલ અદવાન હોસ્પિટલમાં ઘૂસી ગયું હતું અને મેડિકલ સ્ટાફમાંથી ઘણા બધા લોકોની અને દર્દીઓની પણ ધરપકડ કરવામાં આવી હતી અને કેટલાય કલાકો સુધી આ કામગીરી ચાલી હતી. બીજા કેટલાક તબીબી સ્ટાફને તગેડી મૂકવામાં આવ્યા હતા. ઈન્ડોનેશિયાની તબીબી ટુકડીને હોસ્પિટલમાંથી હાંકી કાઢવામાં આવી હતી અને એમને વિસ્તાર છોડી દેવાનો ઇઝરાયેલના લશ્કરે આદેશ આપ્યો હતો. સમગ્ર ગાઝા પટ્ટી વિસ્તારમાં ઇઝરાયેલે એ શરૂ કરેલા હુમલા બાદ ઓક્ટોબરથી અત્યાર સુધીમાં ૪૪,૬૦૦ જેટલા નાગરિકોનાં મોત થયા છે જેમાં મોટાભાગના મહિલાઓ અને બાળકો છે જ્યારે એક લાખથી વધુ લોકો ઘાયલ થયા છે.

Related posts
International

બ્રિટનના પત્રકાર સંઘે ગાઝા પર ઇઝરાયેલના હવાઈહુમલામાં પાંચ પત્રકારોની હત્યાની ટીકા કરી

(એજન્સી) તા.૨૮બ્રિટિશ નેશનલ યુનિયન ઓફ…
Read more
International

અરબ લીગે અલ-અક્સા મસ્જિદ પરઇઝરાયેલના મંત્રીની ઘૂસણખોરીની નિંદા કરી

(એજન્સી) કૈરો, તા.૨૮અરબ લીગ (AL)ના…
Read more
International

બશર અસદના સંબંધીઓએ લેબેનોનથી બહાર જવાનો પ્રયાસ કરતાં ધરપકડ કરવામાં આવી

(એજન્સી) તા.૨૮સીરિયન રાષ્ટ્રપતિ બશર…
Read more
Newsletter
Become a Trendsetter

Sign up for Davenport’s Daily Digest and get the best of Davenport, tailored for you.