Gujarat

મકરપુરા પોલીસ મથકના પો.ઈ. મહિલા સામે ફરિયાદ નોંધવા પો.કમિ.નો આદેશ

(સંવાદદાતા દ્વારા) વડોદરા તા.૨૬
વડોદરાના મકરપુરા પોલીસ મથકમાં કામ માટે આવેલા દીવના ડેપ્યુટી કલેકટર સાથે ઉદ્ધતાઇભર્યું વર્તન કરી ઝપાઝપી કરનાર પોલીસ મથકનાં પો.ઇ. દિલીપ મહીડા સામે પોલીસ કમિશ્નરે ફરિયાદનાં આદેશ આપતા પોતાનાં જ પોલીસ મથકમાં પોલીસ ઇન્સ્પેકટર સામે ફરિયાદ દાખલ થતા પોલીસ બેડામાં ચકચાર મચી જવા પામી હતી. પોલીસ કમિશ્નર મનોજ શશીધરે પો.ઇ. મહીડાની તાત્કાલીક હ્યુમન ટ્રાફિકિંગ બ્રાંચમાં બદલી કરી દીધી છે. એક પોલીસ કર્મી સામે ખાતાકીય તપાસનાં આદેશ પણ આપવામાં આવ્યા છે. જરૂર પડશે તો પો.ઇ. મહીડા વિરૂદ્ધ પણ ખાતાકીય તપાસ કરવામાં આવશે તેમ પોલીસ કમિશ્નરે જણાવ્યું હતું.
પ્રાપ્ત થતી વિગત અનુસાર વડોદરા શહેરમાં રહેતાં સંઘ પ્રદેશ દીવમાં ડેપ્યુટી કલેકટર તરીકે ફરજ બજાવતા અપૂર્વ શર્મા તેમના પિતાની લાયસન્સવાળી પિસ્તોલની મુદ્દત પુરી થતાં તે જમા કરાવવા મકરપુરા પોલીસ મથકમાં ગયા હતા. પરંતુ પોલીસ મથકમાં હાજર પોલીસ કર્મીઓએ તેમની સાથે સામાન્ય વ્યકિતની માફક વર્તન કરી ધક્કા ખવડાવ્યા હતા. એટલું જ નહીં. ડેપ્યુટી કલેકટરે આ અંગે પો.ઇ. દિલીપ મહીડાને રજુઆત કરવા ગયા તો, પો.ઇ. મહિડાએ પણ તેમની સાથે ઉદ્ધતાઇભર્યું વર્તન કરી ગાળાગાળી કરી ઝપાઝપી કરી હતી. આ બનાવ અંગે અર્પૂવ શર્માએ પોલીસ કમિશ્નરને ફરિયાદ કરતાં પોલીસ કમિશ્નર મનોજ શશીધરે પો.ઇ. મહીડા વિરૂદ્ધ ફરિયાદ નોંધવાનાં આદેશ આપ્યા હતા. જેથી પોતાના જ પોલીસ મથકમાંજ પો.ઇ. દિલીપ મહીડા વિરૂદ્ધ ફરિયાદ નોંધાવા પામી હતી. આવનાર વ્યકિત ડેપ્યુટી કલેકટર કક્ષાનો હોવાની જાણ થતા મહીડાએ ડે.કમિશ્નર અપૂર્વ શર્માની માફી પણ માગી હતી. પરંતુ પોલીસ કમિશ્નર કરેલા આદેશને પગલે પો.ઇ. મહીડા વિરૂદ્ધ ફરિયાદ નોંધાવી હતી.

About author

Articles

"VOICE OF TRUE JOURNALISM"
Related posts
GujaratHarmony

કોમી એકતા અને ભાઈચારાને ઉજાગર કરતી ઘટનાસુરેન્દ્રનગરમાં હિન્દુ પરિવારે મુસ્લિમ યુવતીનો ઉછેર કરી ધામધૂમથી નિકાહ કરાવ્યા

સુહાના એક મહિનાની હતી ત્યારે તેણે…
Read more
Gujarat

ભાજપના પૂર્વ કેબિનેટ મંત્રી ચાવડાનો સોશિયલ મીડિયા એકાઉન્ટ પર ઈશારો : વીડિયો વાયરલ

ગુજરાત ભાજપમાં ફરી એકવાર નવા-જૂન…
Read more
Crime DiaryGujarat

રાજકોટનો ગેમઝોન ભયંકર આગમાં બન્યો મોતનો ઝોન : ર૮નાં કરૂણ મોત

માત્ર એક કલાકમાં જ ર૪ જેટલા મૃતદેહો…
Read more
Newsletter
Become a Trendsetter

Sign up for Davenport’s Daily Digest and get the best of Davenport, tailored for you.