National

મધ્યપ્રદેશ વિકાસ દુબેને યુપી પોલીસના હવાલે કરશે, આ પ્રાયોજીત શરણાગતિ છે : દિગ્વિજયસિંહ

(એજન્સી) તા.૯
મધ્યપ્રદેશના મુખ્યમંત્રી શિવરાજસિંહ ચૌહાણે ઉજજૈનમાંથી ભાગેડું અપરાધી વિકાસ દુબેની ધરપકડની પુષ્ટિ કરી હતી. બીજી તરફ કોંગ્રેસના વરિષ્ઠ નેતા દિગ્વિજયસિંઘે કહ્યું હતું કે આ મધ્યપ્રદેશના એક વરિષ્ઠ નેતાના સૌજન્યથી કરવામાં આવેલી પ્રાયોજિત શરણાગતિ છે. આ ઉપરાંત છત્તીસગઢ કોંગ્રેસે પણ પ્રશ્નો ઉઠાવ્યા હતા. પાર્ટીના પ્રવકતા આર.પી.સિંહે કહ્યું હતું કે મીડિયા અહેવાલો દ્વારા જાણવા મળ્યું છે કે ઉજજૈનમાં દુબેએ શરણાગતિ સ્વીકારી હતી. તેમણે આગળ કહ્યું હતું કે યુપી વિધાનસભાની ચૂંટણી દરમ્યાન નરોત્તમ મિશ્રા કાનપુરના પ્રભારી હતા. હવે કાનપુરના હત્યારાએ એ રાજયમાં આત્મસમર્પણ કર્યું છે જયાં મિશ્રા ગૃહમંત્રી છે. શું આ પણ યોગાનુયોગ છે, પ્રયોગ છે કે પછી સત્તાનો દુરૂપયોગ છે આ અંગે એક ઉચ્ચસ્તરીય તપાસ થવી જરૂરી છે. વિકાસ દુબેની ધરપકડ પછી મુખ્યમંત્રી શિવરાજસિંહ ચૌહાણે ટવીટ કરી ઉજજૈન પોલીસને અભિનંદન આપ્યા હતા. તેમણે બીજા ટવીટમાં કહ્યું હતું કે તેમણે ઉત્તરપ્રદેશના મુખ્યમંત્રી યોગી આદિત્યનાથ સાથે ફોન પર વાત કરી છે અને ટૂંક સમયમાં આગામી કાયદાકીય કાર્યવાહી કરવામાં આવશે. ચૌહાણે આ પણ કહ્યું હતું કે, મધ્યપ્રદેશ પોલીસ વિકાસ દુબેને ઉત્તરપ્રદેશ પોલીસને સોંપી દેશે. સૂત્રોએ જણાવ્યું હતું કે યુપી પોલીસ મધ્યપ્રદેશ જવા માટે નીકળી ચૂકી છે અને ઉજજૈનની કોર્ટમાં વિકાસ દુબેને હાજર કર્યા પછી તેના રિમાન્ડની માગણી કરવામાં આવશે.

About author

Articles

"VOICE OF TRUE JOURNALISM"
Related posts
NationalPolitics

કર્ણાટકમાં નેતૃત્વ પરિવર્તન ? ઝઘડતા નેતાઓ પર લગામ લગાવતી કોંગ્રેસની ટોચની નેતાગીરી

શાસક કોંગ્રેસમાં નેતૃત્વ પરિવર્તન થઈ…
Read more
AhmedabadNational

રતન તાતાના મૃત્યુના સમાચારથી મુંબઈ, અમદાવાદમાંગરબા કાર્યક્રમો અટકાવી દેવાયા હતા

(એજન્સી) તા.૧૦દિગ્ગજ ઉદ્યોગપતિ રતન…
Read more
NationalPolitics

અરવિંદ કેજરીવાલ ૪૮ કલાકની અંદર દિલ્હીના મુખ્યપ્રધાન પદેથી રાજીનામું આપશે : સુપ્રીમ કોર્ટના પ્રતિબંધો અને કોર્ટનીલાંબી લડાઈ અંગે વાત કરતાં તેમણે કહ્યું કે, મારૂં ભાગ્ય મતદારોના હાથમાં છે, દિલ્હીમાં વહેલી ચૂંટણીની હાકલ કરી

કેજરીવાલે કહ્યું છે કે, દિલ્હીમાં…
Read more
Newsletter
Become a Trendsetter

Sign up for Davenport’s Daily Digest and get the best of Davenport, tailored for you.