National

અમિત શાહ સૈન્ય દળોને જૂઠ્ઠા કહે છે, આને દેશ ચલાવી લેશે નહીં : એર સ્ટ્રાઇકમાં મોત અંગે કેજરીવાલ બોલ્યા

(એજન્સી) નવી દિલ્હી, તા. ૪
દિલ્હીના મુખ્યમંત્રી અરવિંદ કેજરીવાલે સોમવારે કહ્યું કે, પાકિસ્તાનમાં જૈશે મોહંમદના કેમ્પ પર એર સ્ટ્રાઇકમાં માર્યા ગયેલા આતંકવાદીઓની સંખ્યા મુદ્દે સૈન્ય દળો સામે અમિત શાહનું વિરોધાભાસી નિવેદન આવ્યું છે. રવિવારે અમિત શાહે કહ્યું હતું કે, એર સ્ટ્રાઇકમાં ૨૫૦થી વધુ આતંકવાદીઓ માર્યા ગયા હતા જ્યારે સૈન્ય દળોએ કોઇપણ સત્તાવાર આંકડો આપ્યો નથી. કેજરીવાલે હિન્દીમાં ટિ્‌વટ કર્યું કે, સૈન્ય દળો પણ આવું કહે છે. અમિત શાહ ૨૫૦ આતંકવાદી માર્યા ગયા હોવાનો દાવો કરી એવું કહે છે કે, સૈન્ય દળો જુઠ્ઠું બોલી રહ્યા છે. કોઇપણ રીતે દેશ આ બાબતને ચલાવી લેશે નહીં. કેન્દ્રીય મંત્રી એસએસ અહલુવાલિયાના નિવેદનને ટાંકતા સમાચારના અહેવાલનો હવાલો આપ્યો હતો જેમાં તેમણે કહ્યું હતું કે, સ્ટ્રાઇકનો હેતુ ફક્ત સંદેશ આપવાનો હતો મારવાનો નહીં. એક અન્ય ટિ્‌વટમાં દિલ્હીના મુખ્યમંત્રી કેજરીવાલે કહ્યું કે, આખો દેશ સૈન્ય દળો સાથે ઉભો છે જ્યારે ભાજપ તેમની વિરૂદ્ધ છે. સૈન્ય દળો જુઠ્ઠું ના બોલી શકે પણ ભાજપ જુઠ્ઠું બોલે છે. અમિત શાહે બાલોકોટમાં ભારતની એર સ્ટ્રાઇકમાં ૨૫૦થી વધુ આતંકવાદી માર્યા ગયા હોવાનો દાવો કર્યો હતો જ્યારે તરત જ પત્રકાર પરિષદ કરીને સવારે આઇએએફના વડા બીએસ ધનોઆએ કહ્યું હતું કે, તેમની પાસે કોઇ આંકડો નથી આ આંકડો સરકાર આપશે.

About author

Articles

"VOICE OF TRUE JOURNALISM"
    Related posts
    National

    રાજકોટ પછી દિલ્હીની હોસ્પિટલ સળગી, ૭ નવજાતનાં મોત

    દિલ્હીની વિવેકવિહારમાં આવેલી ન્યુ…
    Read more
    NationalPolitics

    ‘‘મારો દીકરો તમને સોંપું છું’’ : રાયબરેલીમાં સોનિયાની ભાવુક અપીલ

    રાયબરેલીમાં સોનિયા ગાંધી સાથે…
    Read more
    National

    બુરખો પહેરેલી પ્રશંસકને ગળેભેટવાનું શાહરૂખ ખાને ટાળી લોકોના દિલ જીત્યાં, વીડિયો વાયરલ થયો

    (એજન્સી) તા.૧૭બોલિવૂડ સુપરસ્ટાર…
    Read more
    Newsletter
    Become a Trendsetter

    Sign up for Davenport’s Daily Digest and get the best of Davenport, tailored for you.