જામનગર,તા.૩૦
જામનગર જિલ્લા સહિત સમગ્ર સૌરાષ્ટ્રભરમાં હાહાકાર મચાવનાર બનાવ પોલીસ દફતરે નોંધાયો હતો. કાલાવડ તાલુકાના ખંઢેરા ગામે કૌટુંબિક મામાએ જ ૯ વર્ષની ભાણેજ પર બે વખત બળાત્કાર ગુર્જાયાની ઘટનાએ ધ્રુણા ઉપજાવી છે. સતત બે દિવસ બે વખત વાસનાનો ભોગ બનેલ બાળકીને ગઇકાલે રાત્રે જામનગર હોસ્પિટલમાં દાખલ કરવામાં આવી છે. બીજી તરફ કાલાવડ ગ્રામ્ય પોલીસે તત્વરીત તપાસ હાથ ધરી આરોપીના સગડ મેળવવા જુદી જુદી ટીમો બનાવી શોધખોળ શરૂ કરી છે. વાસના સંતોષી નાશી ગયો આરોપી હાથવેંતમાં હોવાનું જાણવા મળ્યું છે.
જામનગર જિલ્લાના કાલાવડ તાલુકાના ખંઢેરા ગામે વધુ શ્રમીક પરિવારની ૯ વર્ષીય માસુમ બાળકી પર દુષ્કર્મ આચરવામાં આવ્યાનો બનાવ સામે આવ્યો છે. પ્રાપ્તો વિગતો મુજબ ખંઢેરામાં રહેતા અને મજુરી કામ કરતા એક પરિવારની ૯ વર્ષીય બાળા પોતાના ઘરે ગત શનિવારે એકલી હતી ત્યારે બાળકીના કૌટુંબિક મામા મુન્ના નાથા પરમાર (ઉ.વ.૪૦) પરિવારના ઘરે આવી પહોચ્યો હતો. બાળકીની એકલતાને જોઇ વાસના સવાર થઇ જતાં નરાધમ કૌટુંબિક મામાએ બાળકી પર બળાત્કાર ગુર્જાયો હતો. આ અંગેની કોઇને જાણ કરીશ તો મારી નાખીશ એમ કૌટુંબિક મામા દ્વારા ધમકી આપવામાં આવી હતી.
ત્યારબાદ બીજા દિવસે એટલે કે રક્ષાબંધનના દિવસે ઘરે પહોચી જઇ નરાધમે તેણીનો એકલતાનો લાભ લઇ ફરી વખત બળાત્કાર ગુજારી બાળકીને ડરાવી ધમકાવી હતી. દરમિયાન ગઇકાલે આ વાતને છુપાવીને હતપ્રત બની ગયેલી બાળકીને એકાએક પેટનો દુઃખાવો ઉપડતા તેણીના પરિવારજનોએ આ બાબતે પુછતા સમગ્ર ઘટના સામે આવી હતી. ત્યારબાદ બાળકીના પરિવારજનોએ કાલાવડ ગ્રામ્ય પોલીસને જાણ કરી બાળકીને તાત્કાલીક જામનગર ખસેડી હતી.
- Tue, November 10, 2026
- Top Stories
- Trending
- Tue, November 10, 2026