(સંવાદદાતા દ્વારા) બોડેલી, તા.ર૭
બોડેલી ખાતે વીજ કંપનીની બિલ્ડિંગના પેટા કોન્ટ્રાક્ટર દ્વારા કડિયાને મજૂરીના નાણાં ન ચૂકવતા કડિયા ગાંધી ચિંધ્યા માર્ગ અપનાવી બે દિવસથી વીજ કંપની બહાર ભૂખ હડતાળ પર બેસી પોતાના મજૂરીના નાણાંની માંગ કરી રહ્યો છે.
બોડેલી ખાતે જૂની વીજકંપનીની ઈમારત પર બીજા માળનું કામ કોન્ટ્રાક્ટરે દિવાળી અગાઉ પૂરૂં કરી દીધું હતું. જેમાં બિલ્ડિંગમાં કડિયા કામ કરતા સંતોષભાઈ જવાહરલાલ ગૌડેનો હિસાબ કરતા તેણે હિસાબ બાદ પ૩,પપ૦ રૂપિયા પેટા કોન્ટ્રાક્ટરે ચૂકવવાના આવતા હતા. સંતોષભાઈ નાણાંની માંગ કરતા હિસાબ કરતા હોછા નાણાં આપવાનું કહી પેટા કોન્ટ્રાક્ટર સંતોષકારક જવાબ ન આપતા સંતોષભાઈએ બોડેલી પોલીસ મથકે પેટા કોન્ટ્રાક્ટર વિરૂદ્ધ ફરિયાદ નોંધાવી હતી. ફરિયાદ આપ્યા બાદ આ અંગે કોઈ નિકાલ ન આવતા આખરે સંતોષભાઈ પેટા કોન્ટ્રાક્ટર વિરૂદ્ધ ગાંધી ચિંધ્યા માર્ગ અપનાવી છેલ્લા બે દિવસથી બોડેલી કંપનીની બહાર ખાધા-પીધા વિના ભૂખ હડતાળ પર બેસી ગયા છે. જ્યારે વીજ કંપની પર આવતા મુલાકાતીઓ આ દશ્ય જોઈ સંતોષભાઈને આશ્વાસન આપે છે.
- Tue, November 10, 2026
- Top Stories
- Trending
- Tue, November 10, 2026