બ્રિસ્બેન, તા. ૨૩
બ્રિસ્બેનના ગાબા મેદાન ખાતે શરૂ થયેલી ખુબ જ રોમાંચક એસીઝ શ્રેણીની પ્રથમ ટેસ્ટ મેચના પ્રથમ દિવસે આજે ઇંગ્લેન્ડે નિરાશાજનક દેખાવ કર્યો હતો અને પ્રથમ દિવસે ૮૦.૩ ઓવરમાં માત્ર ૧૯૬ રન બનાવ્યા હતા. તમામ બેટ્સમેનોએ ખુબ જ ધીમી બેટિંગ કરીને ક્રિકેટ ચાહકોને નિરાશ કર્યા હતા. ઇંગ્લેન્ડ તરફથી ટોસ જીતીને પ્રથમ બેટિંગ કરવાનો નિર્ણય કરવામાં આવ્યો હતો ત્યારબાદ ઇંગ્લેન્ડ તરફથી કૂક અને સ્ટોનેમન તરફથી ઇનિંગ્સની શરૂઆત કરવામાં આવી હતી. સ્ટોનેમને ખુબ જ ધીમી બેટિંગ કરીને નિરાશા ઉભી કરી હતી તે ૧૫૯ બોલમાં માત્ર ૫૩ રન કરીને આઉટ થયો હતો જ્યારે વિન્સ ૧૭૦ બોલમાં ૮૩ રન કરીને આઉટ થયો હતો. આજે રમત બંધ રહી ત્યારે માલમ ૨૮ અને અલી ૧૩ રન સાથે રમતમાં હતા. ઓસ્ટ્રેલિયા તરફથી સ્ટાર્કે ૪૧ રન આપીને એક વિકેટ ઝડપી હતી જ્યારે કમિશન્સે ૫૯ રન આપીને બે વિકેટ ઝડપી હતી. એસીઝ શ્રેણીની રોમાંચકતા આજે પ્રથમ દિવસે અપેક્ષા મુજબની દેખાઈ ન હતી. ઘરઆંગણે ઓસ્ટ્રેલિયન ટીમ ફેવરિટ દેખાઈ રહી છે.
સ્કોરબોર્ડ : બ્રિસ્બેન ટેસ્ટ
ઇંગ્લેન્ડ પ્રથમ દાવ :
કુક કો. હેન્ડસકોંબ બો. સ્ટાર્ક ૦૨
સ્ટોનેમન બો. કમિન્સ ૫૩
વિન્સ રનઆઉટ ૮૩
રુટ એલબી બો. કમિન્સ ૧૫
માલન અણનમ ૨૮
અલી અણનમ ૧૩
વધારાના ૦૨
કુલ (૮૦.૩ ઓવરમાં ૪ વિકેટે) ૧૯૬
પતન : ૧-૨, ૨-૧૨૭, ૩-૧૪૫, ૪-૧૬૩
બોલિંગ : સ્ટાર્ક : ૧૯.૩-૪-૪૫-૧, હેઝલવુડ : ૧૮-૪-૫૧-૦, કમિન્સ : ૧૯-૬-૫૯-૨, લિયોન : ૨૪-૯-૪૦-૦
- Sun, October 25, 2026
- Top Stories
- Trending
- Sun, October 25, 2026