Ahmedabad

ગુજરાત યુનિ.માં છબરડાનું પુનરાવર્તન પેપર ખૂટતા પરીક્ષા મોડી શરૂ થઈ

અમદાવાદ, તા.૧
અમદાવાદમાં હાલ યુનિવર્સિટીની પરીક્ષાઓ ચાલી રહી છે ત્યારે ગુજરાત યુનિવર્સિટીની મોટી બેદરકારી સામે આવી છે. યુનિવર્સિટીની એમએ સેમેસ્ટર-૧ની પરીક્ષામાં છબરડો થયો છે. યુનિવર્સિટીની એક ભૂલના કારણે અમદાવાદના મણીનગરમાં આવેલી કે.કા.શાસ્ત્રી કોલેજમાં લેવાતી એમએ સેમેસ્ટર-૧ની પરીક્ષાને થોડા સમય માટે અટકાવી દેવામાં આવી હતી. યુનિવર્સિટી દ્વારા આ કોલેજમાં અપૂરતા પ્રશ્નપત્ર મોકલતા પરીક્ષા શરૂ કરવામાં આવી ન હતી. આ મામલે મળતી વિગતો અનુસાર વાત કરવામાં આવે તો કે.કા.શાસ્ત્રી કોલેજમાં એમએ સેમેસ્ટર-૧ની પરીક્ષા શરૂ થવાનો સમય સવારે ૮ઃ૩૦ વાગ્યાનો હતો. જ્યારે વિદ્યાર્થીઓ પરીક્ષા આપવા માટે કોલેજમાં પહોંચ્યા ત્યારે યુનિવર્સિટી દ્વારા મોકલવામાં આવેલા પ્રશ્નપત્ર ઘટ્યા હતા. આ કારણે મોટાભાગના વિદ્યાર્થીઓ પોતાની પરીક્ષા સમયસર શરૂ કરી શક્યા ન હતા.
પેપર ઘટવાના કારણે કોલેજનું તંત્ર દોડતું થઈ ગયું હતું અને યુનિવર્સિટીમાં આ બાબતે જાણ કરીને પેપર મંગાવ્યા હતા. ૯ઃ૩૦ વાગ્યા સુધી પણ યુનિવર્સિટી દ્વારા પેપર કોલેજમાં ન પહોંચતા કોલેજના સંચાલકોએ પેપરની ઝેરોક્ષ કરીને વિદ્યાર્થીઓને પેપર પૂરા પાડ્યા હતા. મોડા પેપર મળવાના મોટા ભાગના વિદ્યાર્થીઓની પરીક્ષા ૮ઃ૩૦ના બદલે ૯ઃ૩૦ વાગ્યે એટલે કે એક કલાક મોડી શરૂ થઈ હતી. આ બાબતે એનએસયુઆઈ દ્વારા યુનિવર્સિટીમાં રજૂઆત કરવામાં આવતા યુનિવર્સિટી દ્વારા પરીક્ષાના સમયમાં ૩૦ મિનિટનો વધારો કરવામાં આવ્યો હતો.

About author

Articles

"VOICE OF TRUE JOURNALISM"
    Related posts
    AhmedabadGujarat

    વૃક્ષો જ નહીં હોય ત્યાં તીવ્ર ગરમીમાં ક્યાં જઈશું ?

    રાજ્યમાં હાલ તીવ્ર ગરમીનો માહોલ છે.
    Read more
    Ahmedabad

    અમદાવાદ એરપોર્ટ પર આવી પહોંચતા જ ATSએ તેમની કરી ધરપકડISIS સાથે સંકળાયેલ શ્રીલંકાના ચાર શંકાસ્પદ આતંકવાદીઓને ઝડપી લેવાયા

    ATSના ડીવાયએસપીને ૧૮ મેએ બાતમી મળ…
    Read more
    AhmedabadGujarat

    માવઠાના માર બાદ અગનભઠ્ઠીમાં શેકાયું ગુજરાત : સુરેન્દ્રનગરમાં પારો ૪૪.૭ ડિગ્રી

    ડીસામાં ૪૪.૪, અમદાવાદમાં ૪૪.ર અને…
    Read more
    Newsletter
    Become a Trendsetter

    Sign up for Davenport’s Daily Digest and get the best of Davenport, tailored for you.