National

ફટાકડા પર પ્રતિબંધ મૂકાતાં દિલ્હીવાસીઓને દિવાળીની ઉજવણી કરવા ભોપાલ આવવા મધ્યપ્રદેશના મંત્રીનું આમંત્રણ

ભોપાલ, તા. ૧૧
દિલ્હી અને એનસાઆરમાં સુપ્રીમ કોર્ટ દ્વારા પહેલી નવેમ્બર સુધી ફટાકડાના વેચાણ પર પ્રતિબંધ મુકાતા મધ્યપ્રદેશના ગૃહમંત્રી ભૂપેન્દ્રસિંહએ મંગળવારે દિવાળીની ઉજવણી કરવા દિલ્હીના લોકોને આમંત્રણ આપ્યું હતું, ગૃહમંત્રીએ પત્રકારોને જણાવ્યું હતું કે, જો દિલ્હીના લોકો અમને ફોન અથવા પત્ર દ્વારા સંપર્ક કરશે તો ભોપાલમાં દિવાળીની મહત્વપૂર્ણ ઉજવણી કરવા માટે ખાસ વ્યવસ્થા કરવામાં આવશે. મધ્યપ્રદેશના પર્યાવરણની સિદ્ધિઓ દર્શાવતા સિંહે જણાવ્યું હતું કે, દેશમાં ઇન્દોર સૌથી સ્વચ્છ અને ભોપાલ બીજા નંબરે આવે છે.
આજના સમયમાં પર્યાવરણની વધી રહેલી ચિંતા અને આવા સમયે રાજ્યમાં દિલ્હીવાસીઓને ફટાકડા ફોડવા માટે આમંત્રણ આપવા અંગે પૂછતા તેમણે જણાવ્યંુ હતું કે, મુખ્યમંત્રી શિવરાજસિંહની અધ્યક્ષતામાં રાજ્યમાં પર્યાવરણની સ્થિતિ ઘણી સારી છે ઉપરાંત તેમણે એમ પણ કહ્યું કે, અમારૂ રાજ્ય શાંતિનું આઇલેન્ડ છે જ્યાં સુરક્ષા અને સલામતીની સૌથી શ્રેષ્ઠ આશા કરી શકાય છે. એક દિવસ ફટાકડા ફોડવાથી રાજ્યના પર્યાવરણને કોઇ ખાસ અસર નહીં થાય. દિવાળીને ધાર્મિક અને સાંસ્કૃતિક રીતે જોડાયેલો તહેવાર ગણાવતા તેમણે કહ્યું હતું કે, અમે રામ રાજ્યની વાત કરીએ છીએ અને સપના પણ તેના જ જોઇએ છીએ. ભગવાન રામ ૧૪ વર્ષના વનવાસ બાદ ઘરે પરત ફર્યા તે દિવસની દિવાળી તરીકે ઉજવણી પણ ન કરી શકીએ તો શું કામનું. દિલ્હી અને એનસીઆરમાં સુપ્રીમ કોર્ટ દ્વારા ફટાકડાના વેચાણ પર પ્રતિબંધ મુકવા અંગે તેમણે કહ્યું કે, ત્યાં પર્યાવરણની સ્થિતિને ધ્યાનમાં રાખીને નિર્ણય લેવાયો છે. દેખીતી રીતે જ વાહનો દ્વારા થતા પ્રદૂષણની સામે પર્યાવરણને સ્વચ્છ રાખવા માટે દિલ્હી સરકારે કામ કરવું જોઇએ.

About author

Articles

"VOICE OF TRUE JOURNALISM"
    Related posts
    NationalPolitics

    દિલ્હી હાઈકોર્ટે કેજરીવાલની ધરપકડ સામેની અરજી ફગાવી

    કેજરીવાલની ધરપકડ માટે ઇડી પાસે પૂરત…
    Read more
    National

    અરવિંદ કેજરીવાલની કસ્ટડીમાં ૪ દિવસનો વધારો

    એક અઠવાડિયાના રિમાન્ડ પછી ગુરૂવારે…
    Read more
    NationalPolitics

    કેજરીવાલને ૬ દિ’ના રિમાન્ડ, AAP દેશવ્યાપી વિરોધ કરશે

    કેજરીવાલની ધરપકડ સામે સુપ્રીમ…
    Read more
    Newsletter
    Become a Trendsetter

    Sign up for Davenport’s Daily Digest and get the best of Davenport, tailored for you.