Gujarat

આ કોંગ્રેસ અને ભાજપની વચ્ચે થનારી ચૂંટણી નથી પરંતુ આ ‘ભારત તેમજ પાકિસ્તાન’ની વચ્ચેની ચૂંટણી છે : ભાજપ નેતા

(એજન્સી) તા.૧
ઝાબુઆ વિધાનસભા સીટ પર થનારી ઉપચૂંટણી માટે પ્રચાર કરવા પહોંચેલા મધ્યપ્રદેશના નેતા પ્રતિપક્ષ ગોપાલ ભાર્ગવે સોમવારે વિવાદિત નિવેદન આપતાં જણાવ્યું કે, આ કોંગ્રેસ અને ભાજપની વચ્ચે થનારી ચૂંટણી નથી પરંતુ આ ભારત તેમજ પાકિસ્તાન વચ્ચેની ચૂંટણી છે. સમાચાર મુજબ ભાર્ગવે જણાવ્યું કે, આ બેઠક પર ભાજપ ઉમેદવાર ભાનુ ભૂરિયા ભારતના પ્રતિનિધિ છે માટે તેમને જીતાવો, જ્યારે કોંગ્રેસ ઉમેદવાર કાંતિલાલ ભૂરિયા પાકિસ્તાનનું પ્રતિનિધિત્વ કરે છે. ભાનુ ભૂરિયાના ઉમેદવારી પત્ર દાખલ કરવા માટે નીકાળવામાં આવેલી રેલીને રજવાડા ચોક પર સંબોધિત કરતા ભાજપ નેતા ભાર્ગવે જણાવ્યું કે, આ સમયે દેશની આબરું દાવ પર છે. આ કોઈ બે પાર્ટીની ચૂંટણી નથી. પરંતુ ભારત અને પાકિસ્તાન વચ્ચેની ચૂંટણી છે. પૂર્વ કેન્દ્રીય મંત્રી કાંતિલાલ ભૂરિયા (૬૮) તેમજ ભાનુ ભૂરિયા (૩૬)એ અનુસૂચિત જનજાતિ માટે અનામત આ બેઠક પરથી આજે પોતપોતાના ઉમેદવારી પત્ર દાખલ કર્યા છે. બન્નેની વચ્ચે આ સીટ પર સખ્ત હરિફાઈ થઈ શકે છે. ભાજપ ધારાસભ્ય ગુમાનસિંહ ડામોરના ત્યાગપત્ર આપવાથી ઝાબુઆ સીટ હાલમાં ખાલી છે. ડામોર આ વર્ષે થયેલી લોકસભા ચૂંટણીમાં રતલામ-ઝાબુઆ બેઠકથી સાંસદ બની ગયા છે. માટે તેમણે ઝાબુઆ વિધાનસભા સીટથી રાજીનામું આપ્યું છે. ઝાબુઆ વિધાનસભા બેઠક પર ર૧ ઓક્ટોબરે ઉપચૂંટણી થશે અને મતગણતરી ર૪ ઓક્ટોબરે થશે.

About author

Articles

"VOICE OF TRUE JOURNALISM"
    Related posts
    CrimeGujarat

    સુરતના VR મોલને મળ્યો ધમકીભર્યો મેઈલ જેટલાને બચાવવા હોય તેટલાને બચાવી લો, બ્લાસ્ટ કરવામાં આવશે

    પોલીસે બે હજારથી વધુ લોકોને બહાર…
    Read more
    CrimeGujarat

    કટ્ટરવાદી કાજલ શિંઘાળાએ મુસ્લિમ મહિલાઓ અને મુસ્લિમ સમાજ વિશે અશોભનીય બફાટ કરતા પ્રચંડ રોષની લાગણી

    મુસ્લિમ મહિલાઓની આબરૂ તથા અસ્મિતાનું…
    Read more
    CrimeGujarat

    વિદ્યાર્થીએ ટિકિટ માંગી તો કંડક્ટરે લોહીલુહાણ કર્યોલીંબડી બસ સ્ટેન્ડમાં એસટી બસના કંડક્ટરે વિદ્યાર્થીને માર મારતો વીડિયો વાયરલ

    વિદ્યાર્થીને માથાના ભાગે ઈજા થતાં…
    Read more
    Newsletter
    Become a Trendsetter

    Sign up for Davenport’s Daily Digest and get the best of Davenport, tailored for you.