National

GST‌ અંગેનો કેન્દ્રનો વિકલ્પ ગેરબંધારણીય છે તેથી અમે સ્વીકારીશું નહીં : મનિષ સિસોદિય

 

(એજન્સી) તા.૩
દિલ્હીના નાયબ મુખ્યમંત્રી મનિષ સિસોદિયાએ સહ્યું હતું કે જીએસટીના વળતર બાબતે કેન્દ્ર સરકારે રજૂ કરેલો વિકલ્પ તદ્દન ગેરબંધારણીય છે અને તેનો બચાવ પણ કરી શકાય નહીં અને તેને ઉચિત પણ ઠરાવી શકાય નહીં.
જીએસટીના કાયદામાં કરેલી જોગવાઇઓ અને જીએસટી કાઉન્સિલની અગાઉ મળેલી બેઠકોમાં લેવાયેલા નિર્ણયોનો ઉલ્લેખ કરતાં સિસોદિયાએ કહ્યું હતું કે એક વાત તદ્દન સ્પષ્ટ છે કે મહેસુલી આવક પેટે રાજ્ય સરકારોને જે કાંઇ ઘટ પડશે તેનું વળતર ચૂકવી આપવાની જવાબદારી કેન્દ્ર સરકારના માથે નાંખવામાં આવી છે. મિતાલી મુખરજી સાથે વાત કરતાં સિસોદિયાએ કહ્યું હતું કે તેમને ડર છે કે જો કેન્દ્ર સરકાર રાજ્ય સરકારોને ચૂકવણી કરવાની તેની કાનૂની જવાબદારીમાંથી છટકી જશે તો સંઘીય વ્યવસ્થા માટે આ એ ખુબ જ ખરાબ પૂર્વ દૃષ્ટાંત પૂરવાર થશે અને જો તેમ થશે તો કોઇપણ પ્રકારના નીતિવિષયક નિર્ણયોને રાજ્ય સરકારો શંકાની દૃષ્ટિએ જોશે કેમ કે એવી કોઇ ખાતરી હવે દેખાતી નથી કે કેન્દ્ર નેતૃત્વ તેના વચનોનુ અને શબ્દોનું પાલન કરશે. ચાલુ નાણઆંકીય વર્ષના એપ્રિલ-જૂનના ત્રિમાસિક ગાળા દરમ્યાન કેન્દ્ર સરકારે રાજ્યોને જીએસટીના વળતર પેટે બાકી નીકળતા રૂા.૧.૫૦ લાખ કરોડની ચૂકવણી કરી નથી, જેના માટે કેન્દ્ર તરફથી એવું કારણ રજૂ કરાયું છે કે રાજ્યોને ચૂકવણી કરવા માટે સેસ ટેક્સની પૂરતી વસુલાત થઇ શકી નથી. તે ઉપરાંત એવી પમ અપેક્ષા રાખવામાં આવી છે કે ચાલુ નાણાંકીય વર્ષ દરમ્યાન જીએસટીના વળતર પેટે કુલ રૂા.૨.૩૫ લાખ કરોડની ઘટ પડશે, જે પૈકી કેન્દ્ર સરકારનો દાવો છે કે રૂા.૯૭૦૦૦ કરોડ જીએસટીની ઘટ હશે બાકીની ઘટ કોવિડ-૧૯ની મહામારીના કારણે થયેલી વિપરીત અસરની હશે. કેન્દ્ર સરકારે રાજ્યોને એવા બે વિકલ્પ આપ્યા છે કે તેઓ પોતાની ઘટને પૂરવા ક્યાં તો રૂા.૯૭,૦૦૦ કરોડની લોન લઇને દેવું કરે અથવા તો આખી રૂા.૨.૩૫ લાખ કરોડની લોન લે. જો કે આ બંને વિકલ્પોમાં દેવું કે લોન પાછી ભરપાઇ કરવાની જવાબદારી રાજ્યોના માથે જ આવે છે તેથી બિન-ભાજપ શાસિત રાજ્યોના મુખ્યમંત્રીઓએ કેન્દ્રના આ બંને વિકલ્પો ફગાવી દીધા છે, કેમ કે તે બંને સંપૂર્ણ ગેરબંધારણીય છે. કેન્દ્ર દ્વારા આ બે વિકલ્પો રજૂ કરવાની પદ્ધતિ પણ ખુબ જ ખરાબ હતી કેમ કે જીએસટી કાઉન્સિલની બેઠકના તે નાણાંમંત્રીએ રાજ્યોને ઓફર કરાયેલા આ બે વિકલ્પોની જાહેરાત કરી હતી, અને તેના ઉપર કોઈપણ જાતની ચર્ચા કરાઇ નહોતી અને નાણાંમંત્રીએ બેઠક પૂરી કરી દીધી હતી એમ સિસોદિયાએ કહ્યું હતું.

About author

Articles

"VOICE OF TRUE JOURNALISM"
    Related posts
    National

    મુંબઇમાં સલમાન ખાનના ઘરની બહાર ગોળીબાર : CCTV ફૂટેજમાં શૂટરો મોટરસાઈકલ પર ભાગી જતા દેખાયા

    મુંબઈના બાંદ્રામાં બોલિવૂડ…
    Read more
    NationalPolitics

    દિલ્હી હાઈકોર્ટે કેજરીવાલની ધરપકડ સામેની અરજી ફગાવી

    કેજરીવાલની ધરપકડ માટે ઇડી પાસે પૂરત…
    Read more
    National

    અરવિંદ કેજરીવાલની કસ્ટડીમાં ૪ દિવસનો વધારો

    એક અઠવાડિયાના રિમાન્ડ પછી ગુરૂવારે…
    Read more
    Newsletter
    Become a Trendsetter

    Sign up for Davenport’s Daily Digest and get the best of Davenport, tailored for you.