Ahmedabad

હાર્દિકના સમર્થનમાં આત્મવિલોપનની પાસના અગ્રણીની ચીમકીથી તંત્રમાં દોડધામ

અમદાવાદ, તા.૭
હાર્દિક પટેલના ઉપવાસને હવે રાજ્યભરમાંથી સમર્થન મળવા લાગ્યું છે. પાસના સમર્થકો હવે રસ્તાઓ પર ઉતરી રહ્યાં છે. હાર્દિકના ઉપવાસના પગલે સરકાર સામે પણ લોકોની નારાજગી વધી છે. આ દરમિયાન ઉપલેટા શહેરમાં સૌરાષ્ટ્ર પાસના વરિષ્ઠ આગેવાન દ્વારા હાર્દિકના સમર્થનમાં સરકારને આપી આત્મવિલોપન કરવાની ચીમકી આપી છે. રાજકોટ જિલ્લાના ઉપલેટા શહેરમાં જીરાપા પ્લોટ વિસ્તારમાં રહેતા પટેલ અમુભાઈ ગજેરા દ્વારા અમદાવાદના નિકોલ ખાતે હાર્દિક પટેલ છેલ્લા ૧૪ દિવસથી પાટીદાર સમાજને અનામત અપાવવા અને ખેડૂતોના દેવા માફ કરવા માટે ઉપવાસ પર બેઠા છે. પરંતુ ઘોર નિંદ્રામાં સૂતેલી સરકારના પેટનું પાણી પણ હલતું નથી. હાર્દિકના સમર્થનમાં ઘણી જગ્યાએ પાટીદાર યુવાનો માથા પર મુંડન કરાવે છે, તેમજ માનતાઓ રાખે છે.
ઉપલેટા શહેરના સૌરાષ્ટ્ર પાસના વરિષ્ઠ આગેવાન પટેલ અમુભાઈ ગજેરા દ્વારા તા. ૧૦/૯/’૧૮ ને સોમવારના રોજ રાજકોટ ખાતે આવેલા મુખ્યમંત્રીના બંગલે બપોરે સાડા ચાર કલાકે આત્મવિલોપન કરશે એવી ગર્ભિત ચીમકી આપી છે. વધુમાં જણાવ્યું છે કે આ કોઈ મજાક નથી કે કોઈ આત્મવિલોપન કરવાનો શોખ નથી. પરંતુ અમારો ભાઈ પાટીદાર સમાજને અનામત અપાવવા માટે તેમજ ખેડૂતોના દેવા માફ કરવા માટે જો ઉપવાસ કરી શકતો હોય તો અમે આટલું નાનું કાર્ય કેમ ના કરી શકીએ ? હાલ અમુભાઈ ગજેરા ફરાર હોય, જે તેમના નિર્ધારિત સમય અને સ્થળે હાજર થશે. જેની ઉપલેટા પોલીસ શોધખોળ કરવા હરકતમાં આવી છે.

About author

Articles

"VOICE OF TRUE JOURNALISM"
    Related posts
    AhmedabadGujarat

    વૃક્ષો જ નહીં હોય ત્યાં તીવ્ર ગરમીમાં ક્યાં જઈશું ?

    રાજ્યમાં હાલ તીવ્ર ગરમીનો માહોલ છે.
    Read more
    Ahmedabad

    અમદાવાદ એરપોર્ટ પર આવી પહોંચતા જ ATSએ તેમની કરી ધરપકડISIS સાથે સંકળાયેલ શ્રીલંકાના ચાર શંકાસ્પદ આતંકવાદીઓને ઝડપી લેવાયા

    ATSના ડીવાયએસપીને ૧૮ મેએ બાતમી મળ…
    Read more
    AhmedabadGujarat

    માવઠાના માર બાદ અગનભઠ્ઠીમાં શેકાયું ગુજરાત : સુરેન્દ્રનગરમાં પારો ૪૪.૭ ડિગ્રી

    ડીસામાં ૪૪.૪, અમદાવાદમાં ૪૪.ર અને…
    Read more
    Newsletter
    Become a Trendsetter

    Sign up for Davenport’s Daily Digest and get the best of Davenport, tailored for you.