National

‘‘અપમાનથી બચવું હોય તો નબીએ કરીમ (સ.અ.વ.)ના હુસ્ન-એ-અખ્લાક અપનાવો’’…. શેરપુરમાં ત્રણ દિવસીય તબ્લીગ ઈજતેમામાં દુઆ માટે હજારો હાથ ઊઠ્યા

(એજન્સી) મુઝફ્ફરનગર, તા.૪
મુઝફ્ફરનગરના શેરપુર ગામમાં બુધવારે ત્રણ દિવસીય તબ્લીગ ઈજતેમાનું સમાપન થયું. ૧લી મેથી શરૂ થયેલ આ ઈજતેમામાં મુઝફ્ફરનગર, સહારનપુર, બાગપત, બિજનૌર, મેરઠ અને આસપાસના અન્ય કેટલાક જિલ્લાઓમાંથી લોકો ઉમટી પડ્યા હતા. ગુરૂવારે ત્રણ દિવસીય ઈજતેમાના સમાપન સમયે ઉલેમાઓએ મુસ્લિમોને પયગમ્બર એ-ઈસ્લામ હઝરત મોહમ્મદ (સ.અ.વ.) સાહેબના જીવન પરથી બોધ લેવા અપીલ કરતાં બુરાઈઓને છોડી દેવા પર ભાર મૂકયો હતો. દિલ્હીના નિઝામુદ્દીન મરકઝના મૌલાના ચિરાગઉદ્દીને દુઆ ગુજારી હતી અને જણાવ્યું કે આજે મુસ્લિમ સમગ્ર દુનિયામાં અપમાનિત થઈ રહ્યો છે. એનું સૌથી મોટું કારણ અલ્લાહના પયગમ્બર અને આપણા નબીએ કરીમ (સ.અ.વ.) સાહેબને ભૂલી ગયા છે, તેમણે કહ્યું કે જો અપમાનથી બચવું હોય તો નબી (સ.અ.વ.)ના હુસ્ન-એ-અખ્લાકને અપનાવી લો. પોતાની ક્ષમાયાચના કરાવી લો. ઉલેમાઓએ મુસ્લિમોને તેમના બાળકોને ઈલ્મની રોશનીથી રોશન કરવા પર ભાર મૂકતાં કહ્યું કે ઈલ્મ જ માણસ બનાવે છે. પોતાના બાળકોને દુનિયાની તાલીમ અપાવવા આપણે આગળ વધીએ છીએ તેની સામે કોઈ વિરોધ નથી પરંતુ જીવનમાં જો દીન નહીં હોય તો આખિરત બગડી જશે. ઉલેમાઓ અને લાખો લોકોએ દેશમાં શાંતિ, સલામતી અને કોમની ભલાઈ માટે દુઆ માટે હાથ ઉઠાવીને ગુરૂવારે ઈજતેમાનું સમાપન કરવામાં આવ્યું.

About author

Articles

"VOICE OF TRUE JOURNALISM"
    Related posts
    National

    મુંબઇમાં સલમાન ખાનના ઘરની બહાર ગોળીબાર : CCTV ફૂટેજમાં શૂટરો મોટરસાઈકલ પર ભાગી જતા દેખાયા

    મુંબઈના બાંદ્રામાં બોલિવૂડ…
    Read more
    NationalPolitics

    દિલ્હી હાઈકોર્ટે કેજરીવાલની ધરપકડ સામેની અરજી ફગાવી

    કેજરીવાલની ધરપકડ માટે ઇડી પાસે પૂરત…
    Read more
    National

    અરવિંદ કેજરીવાલની કસ્ટડીમાં ૪ દિવસનો વધારો

    એક અઠવાડિયાના રિમાન્ડ પછી ગુરૂવારે…
    Read more
    Newsletter
    Become a Trendsetter

    Sign up for Davenport’s Daily Digest and get the best of Davenport, tailored for you.