Gujarat

ગુજરાત સરકાર બ્રિટિશ રાજની જેમ વર્તી રહી છે : જલ્પેશ પટેલ

જૂનાગઢ, તા.ર૧
રપ ઓગસ્ટે આમરણાંત ઉપવાસ આંદોલન કરવાનું પાસનું આયોજન હોય આ ઉપવાસ આંદોલનને મંજૂરી આપવા જૂનાગઢ પાસના કાર્યકરોએ વહીવટીતંત્રને આવેદનપત્ર આપી માંગ કરી છે. પાસના કાર્યકરો સાથે જૂનાગઢના ધારાસભ્ય ભીખાભાઈ જોષી પણ જોડાયા હતા. રપ ઓગસ્ટે અમદાવાદના નિકોલ ખાતે પાટીદાર અનામત આંદોલન સમિતિ દ્વારા આમરણાંત ઉપવાસ આંદોલન શરૂ કરવાના છે. જો કે આંદોલન શરૂ થાય તે પહેલાં જ સરકારે હાર્દિક પટેલ સહિત પાસના પથી વધુ કાર્યકરોની અટકાયત કરી છે અને આમરણાંત ઉપવાસ આંદોલનને મંજૂરી આપવામાં આવી નથી ત્યારે આ બાબતે વિરોધ પ્રદર્શિત કરવા અને આમરણાંત ઉપવાસ આંદોલનની મંજૂરી આપવાની માંગ સાથે ઝાંઝરડા રોડ સ્થિત સિદ્ધનાથ મહાદેવ મંદિરે પાટીદારો પાસના કાર્યકરો એકઠા થયા હતા અને સિદ્ધનાથ મહાદેવના આશિષ લઈ જિલ્લા વહીવટી તંત્રને આવેદન આપ્યું હતું. આ તકે વિશેષ ઉપસ્થિત રહેલા ગાંધી ચિંધ્યા માર્ગે થનાર આંદોલનને મંજૂરી ન આપીને લોકશાહીનું હનન કરી રહી છે. જ્યારે પાસના જલ્પેશ પટેલે જણાવ્યું હતું કે, પાટીદાર સમાજ શાંત અને સમજદાર વર્ગ હોવા છતાં સરકાર તરફથી અનેકવાર બિનજરૂરી હેરાનગતિ અને કનડગત કરવામાં આવી રહી છે. લોકશાહી દેશમાં ગાંધી ચિંધ્યા માર્ગે આંદોલન કરવું કોઈ ગુનો ન હોવા છતાં પણ સરકાર બ્રિટિશરાજની જેમ વર્તી રહી છે. ત્યારે અમારા પાસના જે કાર્યકરોની અટકાયત કરવામાં આવી છે. તેને મુક્ત કરવામાં આવે અને આમરણાંત ઉપવાસ આંદોલનની મંજૂરી આપવામાં આવે એ જ અમારી માંગ છે. સરકાર મંજૂરી આપે તો ઠીક છે. બાકી જો મંજૂરી નહીં આપે તો પણ આંદોલન તો થશે જ તેવો પડકાર જલ્પેશ પટેલે કર્યો હતો.
જો કે તંત્રએ સાવચેતીના ભાગરૂપે ઝાંઝરડા રોડ અને કલેક્ટર કચેરીએથી પોલીસના ધાડેધાડા ઉતારી દીધા હતા.

About author

Articles

"VOICE OF TRUE JOURNALISM"
    Related posts
    CrimeGujarat

    સુરતના VR મોલને મળ્યો ધમકીભર્યો મેઈલ જેટલાને બચાવવા હોય તેટલાને બચાવી લો, બ્લાસ્ટ કરવામાં આવશે

    પોલીસે બે હજારથી વધુ લોકોને બહાર…
    Read more
    CrimeGujarat

    કટ્ટરવાદી કાજલ શિંઘાળાએ મુસ્લિમ મહિલાઓ અને મુસ્લિમ સમાજ વિશે અશોભનીય બફાટ કરતા પ્રચંડ રોષની લાગણી

    મુસ્લિમ મહિલાઓની આબરૂ તથા અસ્મિતાનું…
    Read more
    CrimeGujarat

    વિદ્યાર્થીએ ટિકિટ માંગી તો કંડક્ટરે લોહીલુહાણ કર્યોલીંબડી બસ સ્ટેન્ડમાં એસટી બસના કંડક્ટરે વિદ્યાર્થીને માર મારતો વીડિયો વાયરલ

    વિદ્યાર્થીને માથાના ભાગે ઈજા થતાં…
    Read more
    Newsletter
    Become a Trendsetter

    Sign up for Davenport’s Daily Digest and get the best of Davenport, tailored for you.