અમદાવાદ,તા.૧૩
આગામી તા.ર૩ના રોજ બકરી ઈદનો તહેવાર આવતો હોવાથી ગાય કે ગૌવંશ સિવાયના નિયમોનુસાર કાયદા મુજબ થતી પશુઓની હેરફેર કરનાર વ્યકિત પાસે કાયદાથી નિર્દિષ્ટ થયેલ પરમીટ હોય તો તેઓને કોઈ ડનડગત ના થવા પામે તેવો આદેશ અધિક પોલીસ મહાનિર્દેશક (કાયદો અને વ્યવસ્થા) દ્વારા કરવામાં આવ્યો હોવાનું ધારાસભ્ય ગ્યાસુદ્દીન શેખે જણાવ્યું છે.
ધારાસભ્ય ગ્યાસુદ્દીન શેખ અને ધારાસભ્ય ઈમરાન ખેડાવાલાની રજૂઆતના અનુસંધાનમાં રાજયના પોલીસ મહાનિર્દેશક દ્વારા તા.૯-૮-ર૦૧૮ના રોજ પરિપત્ર બહાર પાડયો છે. અત્રે ઉલ્લેખનીય છે કે ધારાસભ્ય ગ્યાસુદ્દીન શેખ, ધારાસભ્ય ઈમરાન ખેડાવાલાએ રાજયના પોલીસ વડા શિવાનંદ ઝા રૂબરૂ મળી રજૂઆત કરી હતી કે આગામી ર૩ ઓગસ્ટના રોજ બકરી ઈદનો તહેવાર કોઈ ગાય તથા ગૌવંશ સિવાયના ફકત કાયદા મુજબના નિયમોનુસાર પશુ ખરીદીની રેવન્યુ ધરાવતી રીસીપ્ટ હોય તેવા અને પશુ હેરફેર કરવાની કાયદાથી નિર્દિષ્ટ આરટીઓ પરમીટ ધરાવતા વાહનોમાં ખરીદીના પુરાવા સાથે પરમીટમાં જણાવેલ સંખ્યા જેટલા પશુઓની હેરફેર કરનારની કનડગત ન થવી જોઈએ. જેને લક્ષમાં લઈ રાજયના પોલીસ વડા તરીકે પરિપત્ર બહાર પાડી રાજયના તમામ પોલીસ કમિશનરો, પોલીસ અધિક્ષકો, રેન્જ વડાઓ અને રાજયના પોલીસ સ્ટેશનોને ફેકસ તથા વાયરલેસ મેસેજ દ્વારા જાણ કરવામાં આવે.
- Tue, September 22, 2026
- Top Stories
- Trending
- Tue, September 22, 2026