National

કનૈયાકુમારની મુશ્કેલીઓમાં વધારો, આચારસંહિતામાં ઉલ્લંઘન મામલામાં કેસ દાખલ

(એજન્સી) બેગુસરાય, તા.૩૦
જવાહરલાલ નહેરૂ (જેએનયુ) વિદ્યાર્થી સંઘના પૂર્વ અધ્યક્ષ અને સીપીઆઈ ઉમેદવાર તરીકે બેગુસરાય બેઠકથી લોકસભા ચૂંટણી લડી રહેલા કનૈયાકુમાર કાયદાકીય જાળમાં ફસાઈ ગયા છે. જો કે, શુક્રવારે કનૈયાની વિરૂદ્ધ ચૂંટણી આચારસંહિતા ઉલ્લંઘનનો કેસ દાખલ કરવામાં આવ્યો છે. પોલીસ સ્ટેશન પ્રભારી મંસુર ચક પ્રખંડ વિકાસ પદઅધિકારી મેજિસ્ટ્રેટ શત્રુઘન રજકની ફરિયાદના આધારે આ એફઆઈઆર દાખલ કરવામાં આવી છે. કનૈયાકુમારે ગુરૂવારે ગામમાં એક જનસભાને સંબોધિત કરી હતી. તેની માટે તેમણે સંબંધિત અધિકારી પાસેથી પરવાનગી મેળવી ન હતી. જણાવી દઈએ કે, કનૈયાકુમાર લોકસભા ચૂંટણી અંગે જનસંપર્ક કરી રહ્યા છે. તેમની મુશ્કેલીઓ મહાગઠબંધનના કારણે વધી ગઈ છે. કારણ કે, આરજેડીએ પણ બેગુસરાય બેઠકથી ઉમેદવારની જાહેરાત કરી દીધી છે. હવે તેમને આરજેડી ઉમેદવાર તનવીર હસનનો પણ સામનો કરવો પડશે, ત્યાં ભાજપથી ગિરીરાજસિંહ તેમની સામે પહેલાથી ઊભા છે. બેગુસરાય બેઠક પર ગિરીરાજસિંહને ટિકિટ આપવામાં આવી છે. તેઓ ચૂંટણીની તૈયારીઓમાં જોડાઈ ગયા છે. જો કે, બેગુસરાયમાં ત્રિકોણીય હરીફાઈ જોવા મળી રહી છે. જેનાથી ભાજપને લાભ થતો દેખાઈ રહ્યો છે, ત્યાં કનૈયાની મુશ્કેલીઓ વધી ગઈ છે.

About author

Articles

"VOICE OF TRUE JOURNALISM"
    Related posts
    National

    મુંબઇમાં સલમાન ખાનના ઘરની બહાર ગોળીબાર : CCTV ફૂટેજમાં શૂટરો મોટરસાઈકલ પર ભાગી જતા દેખાયા

    મુંબઈના બાંદ્રામાં બોલિવૂડ…
    Read more
    NationalPolitics

    દિલ્હી હાઈકોર્ટે કેજરીવાલની ધરપકડ સામેની અરજી ફગાવી

    કેજરીવાલની ધરપકડ માટે ઇડી પાસે પૂરત…
    Read more
    National

    અરવિંદ કેજરીવાલની કસ્ટડીમાં ૪ દિવસનો વધારો

    એક અઠવાડિયાના રિમાન્ડ પછી ગુરૂવારે…
    Read more
    Newsletter
    Become a Trendsetter

    Sign up for Davenport’s Daily Digest and get the best of Davenport, tailored for you.