Gujarat

વસઈ નજીક અજાણ્યા શખ્સે પાંચ મુસાફરને ઠંડા પીણામાં ઘેનયુક્ત પદાર્થ નાંખી લૂંટી લીધા

પાલનપુર, તા.૩
મહેસુરથી અજમેર જતી ટ્રેનમાં વસઇ નજીક મંગળવારે રાત્રે અજાણ્યા શખ્સે ટ્રેનના ડબ્બામાં બેઠેલા પાંચ મુસાફરોને ઠંડા પીણામાં ઘેનયુકત પદાર્થ પીવડાવી તેમની પાસેથી સોનાની વિંટીઓ તેમજ રોકડ રકમની લૂંટ કરી ફરાર થઇ ગયો હતો.
બનાવની વિગત અનુસાર મહેસુરથી મંગળવારે સવારે નીકળેલી અજમેર જતી ટ્રેન મંગળવારે રાત્રે વસઇ નજીક પહોચી હતી. તે સમયે ટ્રેનના ડબ્બામાં મુસાફરી કરી રહેલા એક મહિલા સહિત પાંચ જણાને અજાણ્યા શખ્સે વિશ્વાસમાં લીધા હતા. જેણે પોતાના ઘરે પુત્રનો જન્મ થયો છે. તેમ કહી પાંચ મુસાફરોને ઠંડા પીણામાં ઘેનયુકત પદાર્થ પીવડાવી દીધો હતો. આથી પાંચેય જણા બેભાન થઇ ગયા હતા. જે દરમિયાન આ શખ્સે મુસાફરોએ હાથની આંગળીએ પહેરેલી સોનાની વિંટીઓ તેમજ રોકડ રકમની લૂંટ કરી ફરાર થઇ ગયો હતો. આ ટ્રેન મહેસાણા રેલવે સ્ટેશને આવતાં અન્ય મુસાફરોએ બેભાન મુસાફરો અંગે રેલવે પોલીસને જાણ કરી હતી. આથી મહેસાણા રેલવે પોલીસના જવાનો બેભાન મુસાફરો સાથે પાલનપુર આવ્યા હતા અને પાંચેય બેભાન મુસાફરોને પાલનપુર સિવિલ હોસ્પિટલમાં સારવાર અર્થે ખસેડયા હતા.
આ અંગે પાલનપુર સિવિલ હોસ્પિટલના સુત્રોએ જણાવ્યું હતુ કે, ટ્રેનમાંથી બેભાન મળી આવેલા ચાર મુસાફરો ભાનમાં આવી ગયા છે. જો કે, લખારામ ફુલારામ ચૌધરી હજુ સુધી ભાનમાં આવ્યા નથી. તેમની હાલત ગંભીર જણાઇ રહી છે. આ અંગે પાલનપુર સિવિલ હોસ્પિટલમાં દાખલ મુસાફર સુરેશભાઇ માળીએ જણાવ્યું હતું કે, અમારા ડબ્બામાં એક ફોજીનો ડ્રેસ પહેરેલો શખ્સ પણ બેઠો હતો. જેણે મારા પરિવારમાં પુત્રનો જન્મ થયો છે. ચાલો આપણે બધા જસ્ન મનાવીએ તેમ કહી ઠંડુ પીણું આપ્યું હતુ. જે પીધા પછી અમે બેભાન બની ગયા હતા.
કેફી પીણું પીધા પછી બેભાન થયેલા મુસાફરો
જગતારામ સાદલાજી પ્રજાપતિ (ઉ.વ. ૫૫) (રહે. પોથેડીગાંવ રાજસ્થાન)
તારારામ મોટારામજી સેરવ (ઉ.વ. ૬૦) (રહે. સ્યાટ, પાલી રાજસ્થાન)
સુરેશભાઇ ટોકમરામ માળી (ઉ.વ. ૩૮) (રહે. બેંગલોર)
કન્યાબેન ખુમારામ ચૌધરી (ઉ.વ. ૪૦) (રહે. બીલાવાસ)
લખારામ ફુલારામ ચૌધરી (રહે. ૬૫) (રહે. કેડ, રાજસ્થાન)

About author

Articles

"VOICE OF TRUE JOURNALISM"
    Related posts
    GujaratHarmony

    ભરૂચની પટેલ વેલ્ફેર હોસ્પિ.માં કોમી એકતાનો અનોખો કિસ્સો મુસ્લિમ મિત્રોની મદદથી સુરતનો ચંદન મોત સામેનો જંગ જીતી ગયો

    માતા-પિતાના અવસાન બાદ બે બહેનોન…
    Read more
    Gujarat

    વટામણ-ધોલેરા હાઇવે પર ભોળાદ ગામ નજીક કાર-ટ્રક વચ્ચે સર્જાયેલ ગોઝારા અકસ્માતમાં અમદાવાદના એક જ પરિવાના ચારનાં મોત

    શાહપુર વિસ્તારના લોકો ઇદ નિમિત્તે…
    Read more
    CrimeGujarat

    સુરતના VR મોલને મળ્યો ધમકીભર્યો મેઈલ જેટલાને બચાવવા હોય તેટલાને બચાવી લો, બ્લાસ્ટ કરવામાં આવશે

    પોલીસે બે હજારથી વધુ લોકોને બહાર…
    Read more
    Newsletter
    Become a Trendsetter

    Sign up for Davenport’s Daily Digest and get the best of Davenport, tailored for you.