ગાંધીનગર, તા.રપ
ખેડૂતોની આવક વર્ષ-ર૦રર સુધીમાં બમણી કરવા માટે રાજ્ય સરકાર અને આણંદ કૃષિ યુનિવર્સિટી દ્વારા તૈયાર કરેલ ગુજરાતના ખેડૂતોની આવક બમણી કરવાની પથદર્શિકા-પુસ્તકનું આજે ગાંધીનગર ખાતે મુખ્યમંત્રી વિજય રૂપાણીએ વિમોચન કર્યું હતું. આ પ્રસંગે મુખ્યમંત્રી વિજય રૂપાણીએ પથદર્શિકાના લેખકો; કૃષિ વિભાગના અગ્રસચિવ સંજય પ્રસાદ અને આણંદ કૃષિ યુનિવર્સિટીના કુલપતિ ડો.એન.સી.પટેલને અભિનંદન પાઠવીને આ પુસ્તિકામાં સમાવેલ સંશોધન અને ઉપયોગી માહિતી માટે રાજ્યની કૃષિ યુનિવર્સિટીઓના વૈજ્ઞાનિકોને બિરદાવ્યા હતા. તેઓએ ખેડૂતોને આ પથદર્શિકામાં સમાવેલ સૂચનો પોતાની ખેતીમાં અપનાવવા માટે આગ્રહ કરીને વિશ્વાસ વ્યક્ત કરતા જણાવ્યું હતું કે વર્ષ ર૦રર સુધીમાં ગુજરાતના ખેડૂતોની આવક બમણી કરવા માટે રાજ્ય સરકાર કટિબદ્ધ છે, તેમણે આ માટે નિર્ધાર વ્યક્ત કરી ખેડૂત ભાઈ-બહેનોને શુભેચ્છાઓ પાઠવી હતી. આ પથદર્શિકામાં કૃષિ ઉત્પાદન વધારવા ખેતી ખર્ચ ઘટાડવા અને આવક બમણી કરવાનું માર્ગદર્શન આપવામાં આવ્યું છે. આ માટે ખેતીના જુદા જુદા ૧૩ વિષયોમાં વિના ખર્ચે અથવા ઓછા ખર્ચે ઉત્પાદનમાં વધારો કરે તેવા કૃષિ યુનિવર્સિટીના સંશોધનોને રજૂ કરવામાં આવ્યા છે. આ સંશોધન અને ભલામણોનો ખેતીમાં ઉપયોગ કરવા માટે ખેડૂતો દ્વારા લેવાના થતાં પગલાંની મુદ્દાસર વિગતો આપવામાં આવી છે.
- Tue, October 27, 2026
- Top Stories
- Trending
- Tue, October 27, 2026