(સંવાદદાતા દ્વારા) ધોરાજી, તા. ર
ધોરાજી પાસેના ભાદર-ર ડેમનું પાણી દૂષિત કરનાર કારખાનેદારો સામે તંત્ર દ્વારા પગલાં ન લેવાતાં ધોરાજી-ઉપલેટાના ધારાસભ્યે ૧૧મીએ ટેકેદારો સાથે જળસમાધિ લેવાની ચીમકી ઉચ્ચારી છે.
ધારાસભ્ય વસોયાએ રાજકોટ જિલ્લા કલેક્ટરને પાઠવેલ પત્રમાં જણાવ્યું છે કે, ધોરાજી પાસે આવેલ ભાદર-ર ડેમમાં જેતપુરના ડાઈંગ અને પ્રિન્ટીંગના કારખાનેદારો દ્વારા કેમિકલ યુક્ત પાણી છોડવામાં આવે છે. જેના કારણે ભાદર-ર ડેમનું પાણી ઝેરીલું બની ગયું છે. આ ડેમના પાણીને ઝેરીલું બનાવનાર તત્ત્વો સામે યોગ્ય તપાસ કરી તા. ૧/૮/૧૮ સુધીમાં પગલા લેવામાં નહીં આવે તો મારે ના છૂટકે જળસમાધિ લેવી પડશે. જે અંગેનો પત્ર ધારાસભ્ય લલીતભાઈ વસોયાએ તા. રપ/૭/૧૮ના રોજ ફેક્સ તેમજ ઈ-મેલ મારફતે મોકલ્યો હતો. જેનો તંત્ર તરફથી કોઈ પ્રત્યુત્તર પણ મળેલ નથી.
આ મામલે જવાબદાર લોકો સામે કોઈપણ પ્રકારની કાર્યવાહી કરવામાં ન આવતાં આગામી તા. ૧૧/૮/૧૮ને શનિવારના રોજ મારા મત વિસ્તારના પીડિતોને સાથે રાખી ભુખી ગામે ભાદરનદીમાં જળસમાધિ લઈશ.
- Mon, November 9, 2026
- Top Stories
- Trending
- Mon, November 9, 2026