(સંવાદદાતા દ્વારા) સુરત, તા. ૧૦
બોગસ ડોમીસાઈલ સર્ટીફિકેટના મામલે તપાસ કરી રહેલા પુણા પોલીસ મથકના પીઆઈ ભોભોળીયાએ જણાવ્યું હતું કે ગતરોજ ૯૬ ડોમીસાઈલ સર્ટીફિકેટના અસલ દસ્તાવેજો મેળવવા બાબતે મામલતદાર કચેરીમાં ગયા બાદ મામલતદાર ચૌહાણ પાસે અસલ દસ્તાવેજો મેળવવાની માંગણી કરવામાં આવી હતી. જોકે, આગામી બે-ત્રણ દિવસમાં ડોમીસાઈલ સર્ટીફિકેટના અસલ પેપર્સ પોલીસને સુપરત કરવામાં આવશે એમ તેમણે જણાવ્યું હતું. જોકે વધુમાં પોલીસ ઈન્સ્પેક્ટરે જણાવ્યું હતું કે, ડોમીસાઈલ સર્ટીફિકેટમાં સહી કરવાની સત્તા મામલતદારને જ છે. તેમ છતાં કેટલાક ડોમીસાઈલ સર્ટીફિકેટમાં નાયબ મામલતદાર અજીત મહેતાએ સહી કરી હોવાનું જણાવ્યુ ંહતું. પરંતુ સાચી વિગતો ડોમીસાઈલ સર્ટીફિકેટના અસલ દસ્તાવેજો મેળવ્યા બાદ સહીની ચકાસણી કર્યા બાદ જ કોની કેટલી સંડોવણી છે તે બહાર આવશે. પરંતુ નાયબ મામલતદાર અજીત મહેતાને માત્ર આવકના દાખલા પર સહી કરવાની સત્તા છે. એવું પણ પુણા પોલીસ મથકના પીઆઈ ભાભોળીયાએ જણાવ્યું હતું. હાલમાં ઝડપાયેલા ભાવેશ કાતરીયા અને રાહુલ ચુડાસમા સહિત ચાર આરોપીઓ ૧૧મી જુલાઈ સુધી પોલીસ રિમાન્ડ પર છે.
- Wed, November 11, 2026
- Top Stories
- Trending
- Wed, November 11, 2026