Gujarat

માંગરોળ તાલુકામાં સાકાર થનારી બે સિંચાઈ યોજના પાછળ પ૩૩ કરોડનો ખર્ચ થશે

(સંવાદદાતા દ્વારા)
માંગરોળ, તા.૧૧
માંગરોળ તાલુકાના માંગરોળથી ઝંખવાવ સુધીના વિસ્તાર માટે તથા દિણોદ બોઈદ્રા-કટવા વિસ્તાર માટે મળી કુલ બે સિંચાઈ યોજનાઓ મંજૂર કરવામાં આવી છે. આ બંને યોજનાની તમામ પ્રક્રિયાઓ પૂર્ણ થઈ ગઈ છે અને આગામી માસમાં આ યોજનાની કામગીરી શરૂ કરવામાં આવનાર છે. આ બે યોજના પાછળ અંદાજે પ૩ર.૯૦ કરોડ રૂપિયા ખર્ચ થશે.
આ યોજનાની સમીક્ષા માટે આજે તા. ૧૧ના આ વિસ્તારના ધારાસભ્ય અને વનમંત્રી ગણપતસિંહ વસાવાએ માંગરોળ તાલુકાના નાનીનરોલી ગામે આવેલ જી.આઈ.પી.સી.એલ. કંપનીના સભાખંડમાં સિંચાઈ વિભાગ તથા આ કામ કરવા માટે પસંદગી પામેલ એલ એન્ડ ટી કંપનીના અધિકારીઓની એક સમીક્ષા બેઠક યોજી હતી. જેમાં પ્રોજેક્ટરના માધ્યમથી બંને યોજનાની માહિતીઓનું પ્રેઝન્ટેશન રજૂ કરાયું હતું સાથે જ સિંચાઈ વિભાગના અધિકારીઓ દ્વારા આ યોજનાઓ સંદર્ભે વિસ્તૃત માહિતી આપવામાં આવી હતી. જેમાં કાકરાપાર-ગોરધા-વડ ઉદ્‌વહન સિંચાઈ યોજનામાં માંગરોળના ર૦ અને માંડવીના ર૭ મળી કુલ ૪૭ ગામોનો સમાવેશ કરાયો છે. આ ગામોના ર૩ હજાર ખેડૂતોની ૩૮ર૦૦ હેક્ટર જમીનને સિંચાઈનો લાભ મળશે. આ યોજનાનું પાણી ગોરધા વિયર-લાખી ડેમ-ઈસર ડેમમાં નાખવામાં આવશે ૬ કોતરો-૩૦ ચેકડેમો અને પસાર થતી નદીઓમાં પાણી નાખવામાં આવશે. સઠવાવ અને પાતલદેવી ગામે તળાવોમાં આ પાણી નાખવામાં આવશે. ૩પ કિ.મી. લંબાઈ ધરાવતી દેશની આ પ્રથમ એવી યોજના છે કે જે અંડર ગ્રાઉન્ડ પાઈપ લાઈન નાખી દરેક ખેતરોના અંત ભાગ સુધી પાઈપ લાઈન મારફતે પાણી પૂરૂં પાડવામાં આવશે. આ યોજના પાછળ ૪૯૭.૩૩ કરોડ રૂપિયાનો ખર્ચ થશે. આ કામ માટે દેશની સૌથી મોટી એલ એન્ડ ટી કંપનીની પસંદગી કરવામાં આવી છે જ્યારે ૧૩.૯૧ કરોડ રૂપિયા દશ વર્ષ સુધી મેન્ટીનન્સ પેટે ચૂકવાશે. ૩૬ માસમાં આ યોજનાનું કામ પૂર્ણ કરાશે.

About author

Articles

"VOICE OF TRUE JOURNALISM"
    Related posts
    GujaratHarmony

    ભરૂચની પટેલ વેલ્ફેર હોસ્પિ.માં કોમી એકતાનો અનોખો કિસ્સો મુસ્લિમ મિત્રોની મદદથી સુરતનો ચંદન મોત સામેનો જંગ જીતી ગયો

    માતા-પિતાના અવસાન બાદ બે બહેનોન…
    Read more
    Gujarat

    વટામણ-ધોલેરા હાઇવે પર ભોળાદ ગામ નજીક કાર-ટ્રક વચ્ચે સર્જાયેલ ગોઝારા અકસ્માતમાં અમદાવાદના એક જ પરિવાના ચારનાં મોત

    શાહપુર વિસ્તારના લોકો ઇદ નિમિત્તે…
    Read more
    CrimeGujarat

    સુરતના VR મોલને મળ્યો ધમકીભર્યો મેઈલ જેટલાને બચાવવા હોય તેટલાને બચાવી લો, બ્લાસ્ટ કરવામાં આવશે

    પોલીસે બે હજારથી વધુ લોકોને બહાર…
    Read more
    Newsletter
    Become a Trendsetter

    Sign up for Davenport’s Daily Digest and get the best of Davenport, tailored for you.