Gujarat

અમ્લેશ્વર બ્રાંચ કેનાલમાંથી GNFCને પાણી લેવાની નર્મદા નિગમ દ્વારા મંજૂરી અપાઈ

ભરૂચ, તા. રપ
તાજેતરમાં ભરૂચ તાલુકાના પગૂથણ ગામનો બનાવ ભાજપની “સબ કા સાથ”ના નામે ખેડૂતોનો સાથ, “સબ કા વિકાસના” નામે માનીતા ઉદ્યોગોનો વિકાસની નિતી ઉજાગર થઈ છે.
નર્મદા નિગમના માધ્યમથી જિલ્લામાં બનાવવામાં આવેલી કેનાલોનો મુખ્ય હેતુ સિંચાઈનું પાણી, પશુઘન માટેનું પીવાનું પાણી, અને શહેર અને ગામડાંએ પીવાના પાણીનો વિકલ્પ માટેનો હતો. ત્યારે આજે રાજ્યમાંથી ખેડૂતોનું નિકંદન કાઢી નાંખવાની અત્યંત જલદ ભાવના સાથે કામ કરતી સરકાર ખેડૂતોને પાણી ચોરની ઉપમા આપી રહી છે. ખેડૂતોના સિંચાઈના પાણી માટે બનેલી નહેરો ઉપર ખેડૂત પાણીના લઈ શકે માટે પોલીસ બંદોબસ્ત, ખેડૂતોને નોટિસો પાઠવી પાણી ન લેવા કાયદાની પ્રક્રીયામાં ગુંચવવા, નહેરોનું પાણી જ્યારે ખેડૂતને ખરેખર જરૂર હોય ત્યારે પાણી છોડવાનું બંધ કરી દેવાનું તેમજ ભરૂચ અને વાગરા તાલુકાના સિંચાઈ માટેના કમાન વિસ્તારને ડિ-કમાંન્ડ જાહેર કરી દેવો વગેરે જ્યારે બીજી તરફ ઉદ્યોગ પતિઓની ચાપલૂસી કરતી સરકાર નર્મદા નિગમની જમીનો કાયદાનું એસી તેસી કરી હેતુફેર ના થઈ શકે તેમ છતાં નર્મદા નિગમની કેનાલોની જમીનની લહાણી ઉદ્યોગોને કરાવે છે. આજે જે પાણીની વિકટ સ્થિતિ ઊભી થઈ છે. તેના માટે ખૂદ ભાજપ સરકાર જવાબદાર છે. પોતાની અનોખી ધાર્મિક ઓળખ ધરાવનાર નર્મદાને પાણી વિહોણી કરનાર ભાજપ સરકાર છે. લોકો સિંચાઈ પીવાના પાણી અને ઉદ્યોગોમાં પણ આજે જે પાણીની અછત વળતાય છે એના માટે ચિંતા કરવાને બદલે પોતાના મન કી બાત કરવાવાળા નર્મદાનું પાણી સાબરમતીમાં નાંખી “સી પ્લેઈન” ના તાયફા કરે છે. જેનો ભોગ આજે ભરૂચ જિલ્લાનો ખેડૂત બની રહ્યો છે. જેનાથી સ્પષ્ટ થાય છે કે, “મન ની બાત” પાયમાલ થતા ખેડૂતને સંપૂર્ણ નાશ કરી નાખવાના હેતુ માટે જ છે.
આજે સમગ્ર જિલ્લાનો ખેડૂત સરકારની વિવિધ ખેડૂત વિરોધી નીતિ સામે પોતાના અસ્તિત્વને ટકાવી રાખવા વલખાં મારી રહ્યો છે. તેવા સમયે ભરૂચ તાલુકાના પગુથણ ગામ પાસેની અમ્લેશ્વર બ્રાન્ચ કેનાલમાંથી ય્દ્ગહ્લઝ્રને પાણી લેવાની મંજૂરી નાયબ જનરલ મેનેજર, નર્મદા નિગમ ગાંધીનગર દ્વારા આપવામાં આવી જ્યારે બીજી તરફ જે ખેડૂતોના બાપ દાદાએ પોતાની મહામૂલી જમીન મામૂલી કિંમતે સરકારને આપી વારસદારો આર્થિક સદ્ધર બનશે ના સ્વપ્ન નિહાળી યોજનામાં સહકાર આપનારના વંશજને આજે એ કેનાલમાંથી પાણી લેવાની બંધી, સરકારની નજરમાંએ પાણી ચોર બીજી તરફ ઉદ્યોગોની દલાલીમાં આંધળા કંપનીને પાણી લેવાની મંજૂરી આપે.
સાથ સહુનો લેવાનો ખુરશી મળે એટલે વિકાસ પોતાનો અને પોતાનો માનીતાઓનો કરવાનો બાકીના માટે માત્ર વિનાશ. જે સ્પષ્ટ બન્યું છે. માટે ખેડૂત હિતરક્ષક દળ સદર બાબતને ખૂબ જ સંવેદનશીલ બની નિહાળી રહેલ છે. ટૂંક સમયમાં જિલ્લાના ખેડૂતોના વિવિધ પ્રશ્ન મુદ્દે ખેડૂતોને સંગધિટ કરી આશ્ચર્યજનક કાર્યક્રમ આપશે એમ એક યાદીમાં કોઓર્ડીનેટર યાકુબ ગુરૂજીએ જણાવ્યું છે.

About author

Articles

"VOICE OF TRUE JOURNALISM"
    Related posts
    GujaratHarmony

    ભરૂચની પટેલ વેલ્ફેર હોસ્પિ.માં કોમી એકતાનો અનોખો કિસ્સો મુસ્લિમ મિત્રોની મદદથી સુરતનો ચંદન મોત સામેનો જંગ જીતી ગયો

    માતા-પિતાના અવસાન બાદ બે બહેનોન…
    Read more
    Gujarat

    વટામણ-ધોલેરા હાઇવે પર ભોળાદ ગામ નજીક કાર-ટ્રક વચ્ચે સર્જાયેલ ગોઝારા અકસ્માતમાં અમદાવાદના એક જ પરિવાના ચારનાં મોત

    શાહપુર વિસ્તારના લોકો ઇદ નિમિત્તે…
    Read more
    CrimeGujarat

    સુરતના VR મોલને મળ્યો ધમકીભર્યો મેઈલ જેટલાને બચાવવા હોય તેટલાને બચાવી લો, બ્લાસ્ટ કરવામાં આવશે

    પોલીસે બે હજારથી વધુ લોકોને બહાર…
    Read more
    Newsletter
    Become a Trendsetter

    Sign up for Davenport’s Daily Digest and get the best of Davenport, tailored for you.